ညီလာခံ ပူးတွဲကျင်းပရေးကော်မတီ အစည်းအဝေး ကျင်းပ

လာမယ့် သြဂုတ်လ ၃၁ ရက်နေ့မှာ စတင်ကျင်းပမယ့် ၂၁ ရာစု ပင်လုံညီလာခံ ဖွင့်ပွဲအစီအစဉ်တွေနဲ့ ညီလာခံအတွင်း အစုအဖွဲ့အလိုက် ဆွေးနွေးသွားမယ့် ကိစ္စတွေကို ညီလာခံ ပူးတွဲကျင်းပရေး ကော်မတီက ဒီနေ့ ဆွေးနွေးကြပါတယ်။

နေပြည်တော် သင်္ဂဟဟိုတယ်မှာ ညီလာခံပူးတွဲကျင်းပရေးကော်မတီ အစည်းအဝေး ကျင်းပနေတာ ဖြစ်ပါတယ်။

ညီလာခံအတွက် ကြိုတင်ပြင်ဆင်မှုတွေ ဆောင်ရွက်နေပြီဖြစ်သလို ညီလာခံကို တက်ရောက်မယ့် တိုင်းရင်းသား လက်နက်ကိုင်အဖွဲ့တချို့က ခေါင်းဆောင်တွေ လည်း နေပြည်တော်ကို ရောက်ရှိနေ ပြီဖြစ်ပါတယ်။

ညီလာခံတက်ရောက်မယ့် ကိုယ်စားလှယ်တွေဟာ နေပြည်တော်က သင်္ဂဟဟိုတယ်၊ Royal ACE ဟိုတယ်၊ Sky Palace ဟိုတယ်နဲ့ ရွှေနန်းတော် ဟိုတယ်တွေမှာ တည်းခိုကြမှာဖြစ်ပါတယ်။

လတ်တလောမှာ မြန်မာ အမျိုးသား ဒီမိုကရေစီ မဟာမိတ် တပ်မတော်-ကိုးကန့်အဖွဲ့ MNDAA ၊ တအာင်းအမျိုးသား လွတ်မြောက်ရေး တပ်မတော် TNLA နဲ့ ရက္ခိုင့် တပ်မတော် AA တို့ကို ညီလာခံတက်ရောက်နိုင်ရေးအတွက် ညှိနှိုင်းနေဆဲဖြစ်တယ်လို့လည်း ကော်မတီတာဝန်ရှိသူတွေက ပြောပါတယ်။