ဝါးခယ်မမြို့ သရွက်မြိုက်တံတားအနီး ရိုဟင်ဂျာ ၅၆ ဦး အဖမ်းခံရ
၂ဝ၂၂ ခုနှစ် ဇူလိုင်လ ၂၆ ရက်နေ့က ဧရာဝတီတိုင်း ပုသိမ်မြို့နယ်၊ ရွှေသောင်ယံကမ်းခြေအနီး စက်လှေပေါ်တွင် လိုက်ပါလာသော ရိုဟင်ဂျာများအား စစ်ကောင်စီရေတပ်က ဖမ်းဆီးစဉ်။
Photo: Citizen Journalist
ဧရာဝတီတိုင်း ဝါးခယ်မမြို့ သရွက်မြိုက်တံတားအနီးမှာ ဩဂုတ်လ ၂၁ ရက်နေ့က စက်လှေတစ်စင်းနဲ့အတူ ပါလာတဲ့ ရိုဟင်ဂျာ ၅၆ ဦးကို စစ်ကောင်စီတပ်သားတွေနဲ့ ရဲတွေက ဖမ်းဆီးခဲ့တယ်လို့ ဒေသခံတွေက ပြောပါတယ်။
လိုက်ပို့ပေးတဲ့ စက်လှေမောင်းသူနဲ့ အပေါင်းအပါတွေကိုပါ ဖမ်းမိခဲ့ပြီး ဆက်လက်စစ်ဆေးနေတယ်လို့ ရဲတပ်ဖွဲ့နဲ့ နီးစပ်တဲ့ အသိုင်းအဝိုင်းက RFA ကို ပြောပါတယ်။
“သတင်းရလို့ စက်လှေကို စောင့်ဖမ်းတာပါ။ အမျိုးသား ၃၉ ဦး၊ အမျိုးသမီးနဲ့ ကလေး ၂၆ ဦး စုစုပေါင်း ၅၆ ဦး ပါလာတယ်။ ကျန်တာတော့ ပြောပိုင်ခွင့်မရှိဘူး”
ဒီရိုဟင်ဂျာတွေက ရန်ကုန်ကနေတစ်ဆင့် မလေးရှားနိုင်ငံကိုသွားဖို့ လာကြသူတွေဖြစ်ပြီး လက်ရှိ ရန်ကုန်ဘက်အသွားမှာ ဖမ်းဆီးခံခဲ့ရတာလို့ ဆိုပါတယ်။
သူတို့ဟာ ဘယ်မြို့နယ်က ထွက်ခွာလာကြသူတွေလည်း ဆိုတာတော့ RFA အနေနဲ့ သီးခြားအတည်ပြုနိုင်ခြင်း မရှိသေးပါဘူး။
ပြီးခဲ့တဲ့ သြဂုတ်လ ၈ ရက်နေ့ကလည်း ဧရာဝတီတိုင်း၊ လေးမျက်နှာမြို့နဲ့ ရေကြည်မြို့နယ်အကြားမှာ ရိုဟင်ဂျာ ၃၀ ဝန်းကျင် ဖမ်းဆီးခံခဲ့ရပါတယ်။
ပဲခူးတိုင်း၊ ပန်းတောင်းမြို့နယ်က ဥသျှစ်ပင်မြို့မှာလည်း ပြီးခဲ့တဲ့ ဇူလိုင်လ ၂၂ ရက်နေ့က တညင်းသီးတင်လာတဲ့ ကုန်ကားပေါ်မှာ ရခိုင်ပြည်နယ်၊ မောင်တောမြို့ကနေ မလေးရှားနိုင်ငံကို သွားကြမယ့် ရိုဟင်ဂျာ ၃၀ ဦးကို စစ်ကောင်စီတပ်ဘက်က ဖမ်းဆီးခဲ့ပါတယ်။
ဖတ်ရှုသူအများဆုံး သတင်းများ။
သတင်းများ
- မေလကုန်အထိ အပစ်ရပ်သက်တမ်းတိုးကြောင်း စစ်ကောင်စီကြေညာ
- ဝါရင့် ရခိုင်နိုင်ငံရေးသမား ဦးဦးလှစော ကွယ်လွန်
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၆ ရက်)
- KNA ခေါင်းဆောင် စောချစ်သူ နဲ့ သားနှစ်ဦးကို အမေရိကန် ပိတ်ဆို့အရေးယူ
- ငလျင်ဘေးကာလ လေကြောင်းတိုက်ခိုက်မှုတွေကြောင့် ပြည်သူ ၂၇၀ ကျော် သေဆုံးကြောင်း NUG ထုတ်ပြန်