တပ်မတော်ကို ထောက်ခံကြိုဆိုတဲ့ လမ်းလျှောက်ချီတက်ပွဲ

ဟောပြောပွဲမှာ အမျိုးသား လွှတ်တော်ကိုယ်စားလှယ်ဟောင်း ဦးလှဆွေ က လက်ရှိအစိုးရ တပ်မတော်နဲ့ တိုက်ပွဲဖြစ်ပွားနေတဲ့ လက်နက်ကိုင်အဖွဲ့တွေဟာ ဘယ်အစိုးရတက်တက် ညှိနှိုင်းလို့ရမယ့်အဖွဲ့တွေ မဟုတ်ကြောင်း နဲ့ လက်နက်ကိုင်တွေကို တိုက်ခိုက်နေတဲ့ တပ်မတော်ကို ထောက်ခံကြောင်း ပြောခဲ့ပါတယ်။

"အခု လက်နက်ကိုင်ပြီးတော့ တော်လှန်နေတဲ့၊ သောင်းကျန်းနေတဲ့ ပုဂ္ဂိုလ်တွေဟာ ဦးစောမောင်၊ ဦးသန်းရွှေကို တော်လှန်တာလား၊ ဦးသိန်းစိန်ကို တော်လှန်တာလား၊ ဒေါ်အောင်ဆန်းစုကြည် အစိုးရကို တော်လှန်တာလား၊ ဘယ်အစိုးရလာလာ တော်လှန်နေမယ့်လူတွေဖြစ်နေတယ်၊ ဘယ်တော့မှ ညှိလို့ရမယ့်လူတွေ မဟုတ်ဘူး၊ ဘယ်အစိုးရတက်တက် ပုန်ကန်နေတဲ့အဖွဲ့တွေကို ဘယ်အစိုးရတက်တက် တည်မြဲနေတဲ့တပ်မတော်က ဆက်လက်ပြီးတော့ ချေမှုန်းတိုက်ခိုက်နေမယ်၊ ဒီတပ်မတော်ကို ကျနော်တို့ အလေးအနက်ထောက်ခံပါတယ်လို့ တင်ပြရင်း နိဂုံးချုပ်ပါတယ်ခင်ဗျာ"

ချီတက်သူတွေဟာ မြန်မာနိုင်ငံအလံ တပ်မတော် ကြည်း၊ ရေ၊ လေ အလံတွေ ကိုင်ဆောင်ပြီး ပြည်ထောင်စု တည်တံ့ခိုင်မြဲရေး၊ အမျိုးဘာသာ သာသနာကာကွယ်ရေး စတာတွေ ကြွေးကြော်ပြီး လမ်းလျှောက်ခဲ့ကြ တာ ဖြစ်ပါတယ်။

တပ်မတော်ကို ထောက်ခံကြိုဆိုတဲ့ ဆန္ဒပြချီတက်ပွဲမှာ အမျိုးသားလွှတ်တော် ကိုယ်စားလှယ်ဟောင်းတွေဖြစ်တဲ့ ဦးလှဆွေ နဲ့ ဒေါ်ခင်ဝိုင်းကြည် တို့ ပါဝင်ပြီး အမျိုးသားရေး လှုပ်ရှားဆောင်ရွက်နေတဲ့ ရဟန်းသံဃာတော်တွေ ပါဝင်ခဲ့ပါတယ်။

လမ်းလျှောက်ချီတက်သူတွေဟာ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ရဲ့ ဓါတ်ပုံ၊ မြန်မာနိုင်ငံတော်အလံနဲ့ တပ်မတော် ကြည်း၊ ရေ၊ လေ အလံတွေ ကိုင်ဆောင်ပြီး ပြည်ထောင်စု တည်တံ့ခိုင်မြဲရေး၊ အမျိုးဘာသာသာသနာ ကာကွယ်ရေး စတာတွေ ကြွေးကြော်ပြီး လမ်းလျှောက်ခဲ့ကြ တာဖြစ်ပါတယ်။