ဒေါ်အောင်ဆန်းစုကြည်ကို ဘဂါဝမ် မဟာဗီယာ ကမ္ဘာ့ငြိမ်းချမ်းရေးဆု ချီးမြှင့်
2012.04.02
ငြိမ်းချမ်းရေးအတွက် ဆောင်ရွက်နေသူတွေနဲ့ အထင်ကရ ပုဂ္ဂိုလ်တွေကို နှစ်စဉ်ပေးအပ် ချီးမြှင့်လေ့ရှိတဲ့ ဒီဆုကို ဒီနှစ်အတွက် ဒေါ်အောင်ဆန်းစုကြည်ကို ရွေးချယ်ခဲ့တာဟာ မြန်မာ့ဒီမိုကရေစီရေးအတွက် အိန္ဒိယနဲ့ ဆက်ဆံရေးမှာ အလားအလာကောင်းတစ်ခု ဖြစ်တယ်လို့ အိန္ဒိယအခြေစိုက် ၁၉၉၀ ရွေးကောက်ပွဲအနိုင်ရ NLD လွှတ်တော်ကိုယ်စားလှယ် ဒေါက်တာတင့်ဆွေက ပြောပါတယ်။
ဘဂါဝမ် မဟာဗီယာ ကမ္ဘာ့ငြိမ်းချမ်းရေးဆုကို အိန္ဒိယနိုင်ငံ အနောက်ပိုင်း ပူနေး ( PUNE) မြို့ အခြေစိုက် Sarhad အဖွဲ့ကြီးက ပေးအပ်တာဖြစ်ပါတယ်။ ဆုအတွက် အိန္ဒိယရူပီးငွေ ၁၁ သိန်း ချီးမြင့်မှာ ဖြစ်ပါတယ်။
ဆုပေးအပ်ချီးမြှင့်ပွဲ အခမ်းအနားအတွက် ရက်အတိအကျ မသတ်မှတ်ရသေးပေမဲ့ ဆုလက်ခံရယူဖို့ အိန္ဒိယသမ္မတကိုယ်တိုင် ဒေါ်အောင်ဆန်းစုကြည်ကို ဖိတ်ကြားမှာဖြစ်တယ်လို့ သိရပါတယ်။
ဖတ်ရှုသူအများဆုံး သတင်းများ။
သတင်းများ
