ဒေါ်အောင်ဆန်းစုကြည်ရဲ့ ၅ နိုင်ငံခရီးစတင်

အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ရဲ့ ဥရောပ ၅ နိုင်ငံခရီးကို ဒီနေ့စတင်လိုက်ပြီး မနက် ၁၀ နာရီမှာ ရန်ကုန်မြို့ အပြည်ပြည်ဆိုင်ရာလေဆိပ်ကနေ ထွက်ခွာသွားပြီလို့ သတင်းရရှိပါတယ်။

2012.06.13
assk-europe-trip-b305 ၂၀၁၂ ခုနှစ် ဇွန်လ ၁၃ ရက်က ဥရောပ ၅ နိုင်ငံသို့ သွားရောက်မည့် ဒေါ်အောင်ဆန်းစုကြည် ၊ ဦးခွန်သာမြင့်၊ ဒေါက်တာ တင်မာအောင်၊ လွှတ်တော်ကိုယ်စားလှယ် ကိုဇေယျာသော်နှင့် ကိုနေခြည်ဝင်းတို့ကို ခရီးမထွက်ခွာမီ တွေ့ရစဉ်။
Photo courtesy of NLD face book

ပထမဆုံးအနေနဲ့ ဆွစ်ဇာလန်နိုင်ငံကို ရောက်လိမ့်မယ်လို့ NLD အတွင်းရေးမှူး ဦးဉာဏ်ဝင်းက RFA ကို ပြောပါတယ်။ ဒေါ်အောင်ဆန်းစုကြည်နဲ့ အတူ ဦးခွန်သာမြင့်၊ ဒေါက်တာ တင်မာအောင်၊ လွှတ်တော်ကိုယ်စားလှယ် ကိုဇေယျာသော်နဲ့ ကိုနေခြည်ဝင်းတို့ ၄ ဦး လိုက်ပါသွားပါတယ်။

၁၅ ရက်နေ့မှာတော့ ဆွစ်ဇာလန်နိုင်ငံမှာကျင်းပမယ့် ILO အပြည်ပြည်ဆိုင်ရာ အလုပ်သမားများအဖွဲ့ချုပ် ညီလာခံမှာ ဒေါ်အောင်ဆန်းစုကြည် မိန့်ခွန်းပြောမှာဖြစ်ပြီး အဲဒီကနေ တဆင့် နော်ဝေးနိုင်ငံကို ခရီးဆက်မယ်လို့ သိရပါတယ်။

၁၈ ရက်ကြာမယ့် ခရီးစဉ်မှာ ဒေါ်အောင်ဆန်းစုကြည်နဲ့အဖွဲ့ဟာ ဆွီဒင်၊ နော်ဝေး၊ အိုင်ယာလန်၊ ဗြိတိန်နဲ့ ပြင်သစ်နိုင်ငံတို့ကို ရောက်မှာဖြစ်ပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။