ဦးအောင်ဆန်းဦး တရားရုံးကို မထီမဲ့မြင် ပြောကြားမှု လက်ခံသင့်မသင့် ကြားနာမည်
2011.10.16
ရန်ကုန်မြို့ အမှတ် ၅၄၊ တက္ကသိုလ်ရိပ်သာလမ်းရှိ ဒေါ်အောင်ဆန်းစုကြည်၏ နေအိမ် ဖြစ်ပါသည်။
“ဒေါ်အောင်ဆန်းစုကြည်က မော်နီတာသတင်းဂျာနယ်မှာ ဦးအောင်ဆန်းဦး ပြောတဲ့သတင်းနဲ့ ပတ်သက်ပြီး တရားရုံး မထီမဲ့မြင်မှု သြဂုတ်လတုန်းက ကျနော်တို့ တင်ထားတယ်။ အဲဒီအမှုကို လာမယ့် ၂၇ ရက်နေ့မှာ လက်ခံရေး မခံရေး ကြားနာမယ်တဲ့။ အခု အမှုစာရင်း ပေါ်တာပေါ့လေ”
ဦးအောင်ဆန်းဦးဟာ ညီမဖြစ်သူ ဒေါ်အောင်ဆန်းစုကြည်နဲ့ ဖြစ်ပွားနေတဲ့ နေအိမ် အမွေပိုင်ဆိုင်မှုနဲ့ ပတ်သက်လို့ မော်နီတာ သတင်းဂျာနယ်ကို ပြောကြားချက်တွေအပေါ် ဒေါ်အောင်ဆန်းစုကြည်က တရားစွဲဆိုထားတာ ဖြစ်ပါတယ်။
တရားသူကြီးက အပြီးသတ် ဆုံးဖြတ်ချက် မချမှတ်ခင်မှာ ဦးအောင်ဆန်းဦးက- သူ့အနေနဲ့ အဓိက ငြင်းချက် အတော်များများကို မိမိ အနိုင်ရရှိထားပြီ ဖြစ်ကြောင်း မိမိ လိုရာဆွဲပြီး တဘက်သတ် ပြောဆိုခဲ့တာတွေဟာ တရားရုံးကို မထီမဲ့မြင် ပြုရာကျတယ်ဆိုပြီး ဒေါ်အောင်ဆန်းစုကြည်က ဦးအောင်ဆန်းဦးနဲ့တကွ မော်နီတာ သတင်းဂျာနယ် အယ်ဒီတာချုပ် ဦးမြတ်ခိုင်နဲ့ ထုတ်ဝေသူ ဦးလှမြင့်ဆွေ တို့ကို သြဂုတ်လ ၈ ရက်နေ့က ရန်ကုန် တိုင်းဒေသကြီး တရားရုံးမှာ တရားစွဲဆိုခဲ့တာ ဖြစ်ပါတယ်။
ဖတ်ရှုသူအများဆုံး သတင်းများ။
သတင်းများ
