ဧရာဝတီက နိုင်ငံရေးအင်အားစုတွေ စုပေါင်း တဲ့ နိုင်ငံရေးပါတီတစ်ရပ် ပေါ်ထွန်းရေး ဆွေးနွေး

" အာဏာရှင်အဆက်ဆက်ကို တော်လှန်ခဲ့ကြတဲ့ တော်လှန်ရေးအင်အားစုတွေ စုဖွဲ့ထားတဲ့ ပါတီ တစ် ခုဖြစ်ပေါ်လာဖို့ရည်ရွယ်တယ်။ အတိုက်အခံ ပါတီ ဆိုတာမျိုးထက် ပြည်သူက ရွေးကောက်တင်မြှောက်တဲ့ အစိုးရကို ပူးပေါင်းဆောင်ရွက်ပြီးတော့ ပြည်သူကလက်မခံတဲ့ဟာတွေ သဘောမတူတာတွေကို ဝေဖန် အကြံပြုထောက်ပြပြီး ပူးပေါင်းဆောင်ရွက်မယ့် ပါတီတစ်ခု ဖြစ်လာဖို့ ရည်ရွယ်ပါတယ်။"

ဆွေးနွေးပွဲကို ဧရာဝတီတိုင်းဒေသကြီး မြို့နယ် ၁၄ ခုက နိုင်ငံရေးတက်ကြွလှုပ်ရှားသူတွေ၊ စိတ်ပါဝင်စားသူတွေ နဲ့ ၈၈ မတိုင်ခင်ကစပြီး တော်လှန်ရေး အဆက်ဆက်မှာပါဝင်ခဲ့သူတွေ တက်ရောက်ဆွေးနွေးကြတယ်လို့ သိရပါတယ်။

ဆွေးနွေးပွဲကနေ စာတမ်းတစ်ခု ပြုစုသွားမှာဖြစ်ပြီး လာမယ့် မတ်လ ၃၀ ရက်နေ့မှာ ရန်ကုန်မြို့က ကုန်သည်များနဲ့ စက်မှုလက်မှုလုပ်ငန်းရှင်များအသင်းချုပ်မှာ ကျင်းပမယ့် နိုင်ငံရေးပါတီတစ်ရပ် ပေါ်ထွန်းလာရေး တွေ့ဆုံဆွေးနွေးပွဲ မှာ တင်ပြသွားမယ်လို့ ပြောပါတယ်။