ဂျပန်ငလျင် နိုင်ငံတကာ ကူညီ
2011.03.12
ဂျပန်နိုင်ငံတွင် ၂ဝ၁၁ ခုနှစ် မတ်လ ၁၁ ရက်နေ့က လှုပ်ခတ်ခဲ့သည့် ဆူနာမီငလျင်ကြောင့် လမ်းပေါ်တွင် ရေလွှမ်းမိုးပြီး မော်တော်ကားများ မျှောပါနေပုံကို NHK သတင်းဌာနက ဖော်ပြထားပါသည်။ (Photo: AFP)
ငလျငိဒဏ်ကြောင့် ဆူနာမီလှိုင်း ဖြစ်ပေါ်တဲ့ နေရာဟာ ဂျပန်နိုင်ငံ အရှေ့ဘက် ဆိပ်ကမ်းမြို့တွေဖြစ်ပြီး မြန်မာအများစု နေထိုင်ရာ တိုကျို၊ အိုဆာကာနဲ့နာဂိုယာ ဘက်ကတော့ အနည်းအကျဉ်းပဲ ထိခိုက်မှုရှိတယ်လို့ တိုကျိုမြို့က ဦးဖုန်းလှိုင်က ပြောပါတယ်။
“အားလုံး အေးအေးဆေးဆေးပါပဲ။ အင်တာနက်လိုင်းတွေကလည်း အကုန်လုံး ပွင့်နေတယ်ဆိုတော့ အင်တာနက်ပေါ်မှာ ကျနော်တို့ တွေ့ကြတယ်။ ခုလောလောဆယ်တော့ ရထားတွေမထွက်ဘူး။ အရေးပေါ်အခြေအနေ ကြေညာထားတာ တခုကတော့ နျူကလီးယား ဓာတ်ပေါင်းဖိုတခု စိမ့်ထွက်တယ်လို့ပြောတယ်။ အဲဒါ ပိတ်ပြီးသွားပြီ။ ဒါပေမယ့် အဲဒါကို စစ်ဆေးမယ်လို့ ကြေညာထားတယ်”
ဂျပန်နိုင်ငံမှာ အလုပ်လုပ် ကျောင်းတက်နေတဲ့ မြန်မာလူမျိုး နှစ်သောင်းကျော် ရှိနေပြီး မနေ့က ငလျင်လှုပ်တဲ့ သတင်းကြောင့် မြန်မာပြည်က မိဘဆွေမျိုးတွေ စိတ်ပူပန်ပြီး တညလုံး ဖုန်းဆက် မေးနေကြကြောင်း ဂျပန်ရောက် မြန်မာလူမျိုးတွေက ပြောပါတယ်။
ငလျင်လှုပ်ပြီးစမှာ လက်ကိုင်ဖုန်းလိုင်းတွေ မရခဲ့ပေမယ့် အခုတော့ ပြန်ရလာပြီလို့ သိရပါတယ်။ ရထားလိုင်းတွေကတော့ ပိတ်ထားတာကြောင့် မနေ့က မြန်မာတချို့ အိမ်ကို ပြန်မလာနိုင်ဘဲ လမ်းမှာ အိပ်ခဲ့ရတယ်လို့လည်း သိရပါတယ်။
၁၉၉၅ ခုနှစ်က ဖြစ်ပွားခဲ့တဲ့ ဂျပန်နိုင်ငံ ကိုဘေးမြို့က ငလျင်ကြီးကြောင့် လူပေါင်း ၆ ထောင်ကျော် သေဆုံးတဲ့ အထဲမှာ မြန်မာလူမျိုး သုံးယောက် ပါဝင်ခဲ့ပါတယ်။
မနေ့က လှုပ်ခပ်ခဲ့တဲ့ ငလျင်နဲ့ ပတ်သက်ပြီး ဂျပန်ရောက် မြန်မာတွေရဲ့ အတွေ့အကြုံတွေနဲ့ နိုင်ငံတကာ အကူအညီ ပေးမှုတွေအကြောင်း ဦးကျော်မင်းထွန်းနဲ့ ဦးဉာဏ်ဝင်းအောင် တို့ရဲ့ တင်ပြမှုတွေကို နားဆင်ပါ။
 |
ဂျပန်ရောက်မြန်မာများ။ |
 |
အသံဖိုင်ယူရန်။ |
|
နိုင်ငံတကာအကူအညီ။ |
|
အသံဖိုင်ယူရန်။ |
ဖတ်ရှုသူအများဆုံး သတင်းများ။
သတင်းများ
