ဘူးသီးတောင်မြို့နယ်မှာ မိုင်းပေါက်တာကြောင့် လူ ၂ ဦး သေဆုံး


2018.12.07
buthidaung-mine-622.jpg ဘူးသီးတောင်မြို့နယ်မှာ မိုင်းထိမှန်သူတစ်ဦးကို ၂ဝ၁၈ ခုနှစ် ဒီဇင်ဘာလ ၆ ရက်နေ့က တွေ့ရစဉ်
Photo: Khaing Zaw - facebook

ရခိုင်ပြည်နယ် ဘူးသီးတောင်မြို့နယ် ကျောက်ရန်ကျေးရွာအုပ်စု ထိပ်တူးပေါက်တောင်တန်းအနီးမှာ မနေ့ညနေက မြေမြှုပ်မိုင်းပေါက်ကွဲတာကြောင့် ဆိုင်ကယ်မောင်းနှင်လာသူ ၂ ဦး သေဆုံးခဲ့ပါတယ်။

အဲဒီမြေမြှုပ်မိုင်းကို ဘယ်အဖွဲ့က ထောင်ခဲ့တာလည်းဆိုတာနဲ့ သေဆုံးသူတွေ ဘယ်သူတွေဖြစ်တယ်ဆိုတာကို လက်ရှိအချိန်မှာ စစ်ဆေးနေဆဲဖြစ်ကြောင်း ဘူးသီးတောင်မြို့နယ် အုပ်ချုပ်ရေးမှူး ဦးကျော်မင်းထွန်းက RFA ကို ပြောပါတယ်။

သေဆုံးသူတွေဟာ ရသေတောင်မြို့နယ်ဘက်ကနေ ဘူးသီးတောင်မြို့နယ်နဲ့ ၅ မိုင်ခန့်အကွာမှာရှိတဲ့ ကျောက်ရန်ကျေးရွာဘက်ကို ဆိုင်ကယ်နဲ့ ထွက်ခွာလာချိန်မှာ မိုင်းထိမှန်သေဆုံးခဲ့တာဖြစ်ပါတယ်။

သေဆုံးသူတွေရဲ့ ရုပ်အလောင်းကို စစ်ဆေးပြီး ဘူးသီးတောင်ဆေးရုံးကို လွဲပြောင်းထားကြောင်းနဲ့ ဘာကြောင့် မိုင်းထိမှန် သေဆုံးတယ်ဆိုတာနဲ့ ဘယ်အဖွဲ့က မိုင်းထောင်တယ်ဆိုတာကို စုံစမ်းနေဆဲဖြစ်ကြောင်းလည်း ဦးကျော်မင်းထွန်းက ပြောပါတယ်။

ဒီသတင်းကို RFA သတင်းထောက် ကိုကျော်ထွန်းနိုင် ပေးပို့လိုက်တာပါ။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။