ကြားဖြတ်ရွေးကောက်ပွဲ လုပ်ငန်းစဉ်အဆင့်ဆင့် ထုတ်ပြန်
2016.10.19
ပြည်ထောင်စုရွေးကောက်ပွဲကော်မရှင်က ထုတ်ပြန်တဲ့ ကြားဖြတ်ရွေးကောက်ပွဲ လျာထားလုပ်ငန်းစဉ် အချိန်စာရင်းကို တွေ့ရစဉ်
လစ်လပ်မဲဆန္ဒနယ် ၁၈ နေရာအတွက် ကြားဖြတ်ရွေးကောက်ပွဲ ကျင်းပမယ့် လုပ်ငန်းစဉ် အဆင့်ဆင့် ကို ပြည်ထောင်စုရွေးကောက်ပွဲ ကော်မရှင်က မနေ့က ထုတ်ပြန်ကြေညာလိုက်ပါတယ်။
လွှတ်တော်ကိုယ်စားလှယ်လောင်း နာမည်စာရင်းတင်သွင်းတာတွေ၊ နာမည်စာရင်းစိစစ်တာတွေကို လာမယ့် နိုဝင်ဘာလ ၂၈ ရက်နေ့ကနေ ဒီဇင်ဘာလ ၁၈ ရက်နေ့အတွင်း လုပ်ဆောင်သွားမှာဖြစ်ပြီး ၂၀၁၇ ခုနှစ် ဇန်နဝါရီလ ၂ ရက်နေ့မှာ ကြားဖြတ်ရွေးကောက်ပွဲ ဝင်ရောက်ယှဉ်ပြိုင်မယ့် ကိုယ်စားလှယ်လောင်း နာမည်စာရင်းတွေ ကို ကြေညာသွားမှာ ဖြစ်ပါတယ်။
မဲဆွယ်စည်းရုံးခွင့်ကာလကိုတော့ ၂၀၁၇ ခုနှစ် ဇန်နဝါရီလ ၃၀ ရက်နေ့ကနေ မတ်လ ၃၀ ရက်နေ့အထိ သတ်မှတ်ပေးထားပြီး ဧပြီလ ၁ ရက်နေ့မှာ ကြားဖြတ်ရွေးကောက်ပွဲ ကျင်းပမှာ ဖြစ်ပါတယ်။
ရွေးကောက်ခံရတဲ့ လွှတ်တော်ကိုယ်စားလှယ် နာမည်စာရင်းတွေကို ၂၀၁၇ ဧပြီလ ၂ ရက်နေ့ကနေ ၅ ရက်နေ့ အတွင်း ထုတ်ပြန်ကြေညာပေးသွား မှာ ဖြစ်တယ်လို့လည်း ပါရှိပါတယ်။
လစ်လပ်မဲဆန္ဒနယ် ၁၈နေရာမှာ အကြုံးဝင်တဲ့ ပြည်ပရောက်မဲဆန္ဒရှင်တွေဟာ ကြိုတင်ဆန္ဒမဲပေးနိုင်ဖို့ ပုံစံ ၁၅ တွေကို လာမယ့် နိုဝင်ဘာလ ၁၅ ရက်နေ့ကနေ ဒီဇင်ဘာလ ၅ ရက်နေ့အတွင်း သက်ဆိုင်ရာ သံရုံးတွေကို ပေးပို့ရမှာ ဖြစ်ပါတယ်။
ဖတ်ရှုသူအများဆုံး သတင်းများ။
သတင်းများ
- မေလကုန်အထိ အပစ်ရပ်သက်တမ်းတိုးကြောင်း စစ်ကောင်စီကြေညာ
- ဝါရင့် ရခိုင်နိုင်ငံရေးသမား ဦးဦးလှစော ကွယ်လွန်
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၆ ရက်)
- KNA ခေါင်းဆောင် စောချစ်သူ နဲ့ သားနှစ်ဦးကို အမေရိကန် ပိတ်ဆို့အရေးယူ
- ငလျင်ဘေးကာလ လေကြောင်းတိုက်ခိုက်မှုတွေကြောင့် ပြည်သူ ၂၇၀ ကျော် သေဆုံးကြောင်း NUG ထုတ်ပြန်