သက်ငယ်မုဒိမ်းမှု ပပျောက်ရေး မော်လမြိုင်မြို့မှာ ဆန္ဒပြတောင်းဆို

သက်ငယ်မုဒိမ်းမှုတွေ ပပျောက်ရေးနဲ့ ကျူးလွန်သူတွေကို ကြီးလေးတဲ့ပြစ်ဒဏ်တွေ ချမှတ်ပေးဖို့ မွန်ပြည်နယ် အရပ်ဘက်လူမှုအဖွဲ့အစည်းကွန်ရက်ဦးစီးပြီး ဒီနေ့မနက်ပိုင်းက မော်လမြိုင်မြို့မှာ ဆန္ဒပြတောင်းဆိုကြပါတယ်။

သက်ငယ်မုဒိမ်းမှုတွေကို စီရင်ချက်ချရာမှာ ကြီးလေးတဲ့ပြစ်ဒဏ်မပေးဘဲ လျှော့လျှော့ပေါ့ပေါ့ပေးတာကြောင့် ကျူးလွန်တဲ့လူကို အားပေးသလိုဖြစ်နေတဲ့အတွက် ကြီးလေးတဲ့ ပြစ်ဒဏ်ပေးဖို့ တောင်းဆိုတာလို့ မွန်ပြည်နယ် အရပ်ဘက်လူမှုအဖွဲ့အစည်း ကွန်ရက်အဖွဲ့ဝင် ဦးမင်းနိုင်စိုး က ပြောပါတယ်။

"မွန်ပြည်နယ်မှာ ၂ဝ၁၆ မှာ သက်ငယ်မုဒိမ်းမှုဆိုတာ တော်တော်လေးဖြစ်လာပါတယ်၊ ဒီဟာနဲ့ပတ်သက် လို့တော့ အပြစ်ဒဏ်ပေးတဲ့နေရာမှာ တချို့အမှုတွေက ကြီးလေးသောပြစ်ဒဏ်မပေးပဲနဲ့ ပေါ့ပေါ့လျော့လျော့ နဲ့ပေးနေတယ်လေ၊ ဒါတွေကို နောက်ပိုင်းမှာကျူးလွန်မှုမရှိအောင် ကျနော်တို့ ဒီပွဲကိုပြုလုပ်ရခြင်းဖြစ် ပါတယ်"