ထန်တလန်မြို့က ကြံ့ခိုင်ဖွံ့ဖြိုးရေး အမတ်ဟောင်း နေအိမ်မှာ ဗုံးပေါက်ကွဲ
ချင်းပြည်နယ် ထန်တလန်မြို့ ကြံ့ခိုင်ဖွံ့ဖြိုးရေးပါတီ အမတ်ဟောင်း ဒေါက်တာမှုထန်ကို တွေ့ရစဉ်
Photo: Chin State USDP
ချင်းပြည်နယ်မြောက်ပိုင်း ထန်တလန်မြို့မှာ သြဂုတ်လ ၁၁ ရက် မနေ့ညပိုင်းမှာ ကြံ့ခိုင်ဖွံ့ဖြိုးရေးပါတီ အမတ်ဟောင်း ဒေါက်တာမှုထန်ရဲ့နေအိမ်မှာ ဗုံးပေါက်ကွဲမှု ဖြစ်ခဲ့တယ်လို့ ဒေသခံတွေက ပြောပါတယ်။
ဒီပေါက်ကွဲမှုကြောင့် နေအိမ်ပြတင်းအချို့ ပျက်စီးသွားပေမယ့် လူထိခိုက်ဒဏ်ရာ ရတာမရှိဘူးလို့ အခင်းဖြစ် နေရာကို သွားရောက်ကြည့်ရှုခဲ့တဲ့ လုံခြုံရေးအရ အမည်မဖော်လိုတဲ့ ထန်တလန်မြို့ခံတစ်ဦးက RFA ကို ပြောပါတယ်။
"မနေ့ည ၈ နာရီလောက်မှာ ဒေါက်တာမှုထန်အိမ်မှာ ပေါက်ကွဲတာ။ ပြတင်းပေါက်မှန်တွေ ကွဲတယ်။ အိမ်အောက်ထပ်တော့ ပျက်စီးသွားတယ်။ လူက ထိခိုက်ဒဏ်ရာ ရတာမရှိဘူး”
ဒီဗုံးပေါက်ကွဲမှုဟာ ဘယ်သူ့ လက်ချက်ဆိုတာနဲ့ ဘာကြောင့် ဖောက်ခွဲတယ်ဆိုတာကို ရှင်းရှင်းလင်း မသိရ သေးပါဘူး။
စစ်ကောင်စီတပ်နဲ့ ဒေသကာကွယ်အဖွဲ့ CDF တို့ တိုက်ပွဲ ဖြစ်ပွားခဲ့တဲ့ မင်းတပ်မြို့နယ်က ရွှေအောင်သာ ကျေးရွာမှာတော့ ဒီနေ့ မနက်ပိုင်းက လက်နက်ကြီးသံနဲ့ သေနတ်သံတွေ ကြားရတယ်လို့ ဒေသခံတွေက ပြောပါတယ်။
ဖလမ်းမြို့ထဲမှာလည်း သြဂုတ်လ ၁၁ ရက်နေ့ မနေ့ညပိုင်းနဲ့ သြဂုတ် ၁၂ ဒီနေ့ မနက်ပိုင်းမှာ လက်နက်ကြီးသံနဲ့ သေနတ်သံတွေ ဆက်တိုက်ကြားနေရတယ်လို့ ဒေသခံတွေက ဆိုပါတယ်။
သြဂုတ်လ ၉ ရက်နေ့က ဖလမ်းမြို့နယ်က လူနေအိမ်တွေဘက်ကို စစ်ကောင်စီတပ်တွေက လက်နက်ကြီး တွေနဲ့ ပစ်ခတ်လို့ ကိုယ်ဝန်ဆောင် အမျိုးသမီးတစ်ဦး ထိခိုက်ဒဏ်ရာ ရခဲ့သလို အေဂျီအသင်းတော်ရဲ့ သင်းအုပ်ဆရာ ဇနီးလည်း လက်နက်ကြီးအစ ထိမှန်ဒဏ်ရာနဲ့ သေဆုံးခဲ့ပါတယ်
ဖတ်ရှုသူအများဆုံး သတင်းများ။
RFA
ဖတ်ရှုသူအများဆုံး သတင်းများ။
သတင်းများ
- မေလကုန်အထိ အပစ်ရပ်သက်တမ်းတိုးကြောင်း စစ်ကောင်စီကြေညာ
- ထိုင်း-မြန်မာ နယ်စပ်က ဒုက္ခသည် တစ်သိန်းကျော် အငတ်ဘေးနဲ့ ကြုံနေရ
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၆ ရက်)
- ဝါရင့် ရခိုင်နိုင်ငံရေးသမား ဦးဦးလှစော ကွယ်လွန်
- ငလျင်ဘေးကာလ လေကြောင်းတိုက်ခိုက်မှုတွေကြောင့် ပြည်သူ ၂၇၀ ကျော် သေဆုံးကြောင်း NUG ထုတ်ပြန်