တရုတ်အစိုးရထောက်ပံ့ စာသင်ကျောင်းတွေ တိုးချဲ့ဖွင့်လှစ်

ဒီအစီအစဉ်ကို ၂၀၁၅ ခုနှစ်က စတင်ခဲ့တာဖြစ်ပြီး၊ ဒီနှစ် ၂၀၁၇ နှစ်ကုန်ပိုင်းအထိ စာသင်ကျောင်းပေါင်း ၂၀ မှာ၊ ကျောင်းဆောင်သစ်တွေ ဆောက်လုပ်ပေးမှာဖြစ်ပါတယ်။ ပထမဆုံးကျောင်းဆောင်သစ်ဖွင့်ပွဲကို ပဲခူးတိုင်း၊ ရွှေကျင်မြို့မှာ ပြီးခဲ့တဲ့နှစ် အောက်တိုဘာလက စတင်ခဲ့ပါတယ်။

တရုတ်-မြန်မာ ချစ်ကြည်ရေး အစီအစဉ်မှာ ကျောင်းသူကျောင်းသားတွေအတွက် ပညာရေးထောက်ပံ့မှုလည်း ပါဝင်ပါတယ်။

မြန်မာနိုင်ငံမှာ သယံဇာတနဲ့ စွမ်းအင် ထုတ်ယူရေး စီမံကိန်းကြီးတွေ လာရောက်လုပ်ကိုင်နေတဲ့ တရုတ် အစိုးရကုမ္ပဏီကြီးတွေကြောင့် သဘာဝပတ်ဝန်းကျင် ထိခိုက်ပျက်စီးပြီး၊ ဒေသခံတွေ နစ်နာနေရတာကြောင့် ပြည်တွင်းမကျေနပ်မှုနဲ့ နိုင်ငံတကာ ဝေဖန်မှုတွေတိုးပွားလာနေရာမှာ၊ တရုတ်ကုမ္ပဏီတွေဘက်က ဒေသတွင်း ဖွံ့ဖြိုးတိုးတက်ရေး အစီအစဉ်တွေ စတင်လာခဲ့ပါတယ်။