တရုတ်-မြန်မာ ချစ်ကြည်ရေး ပုဂ္ဂလိကဆေးရုံကို ချိတ်ပိတ်
2018.10.21
မူဆယ်မြို့ စွမ်စော်ရပ်ကွက်မှာ တရားမဝင် ဖွင့်လှစ်ထားတဲ့ တရုတ်-မြန်မာ ချစ်ကြည်ရေး ပုဂ္ဂလိကဆေးရုံကို တွေ့ရစဉ်
Photo: Kan Thar/RFA
တရုတ်-မြန်မာနယ်စပ် မူဆယ်မြို့ စွမ်စော်ရပ်ကွက်မှာ တရားမဝင် ဖွင့်လှစ်ထားတဲ့ တရုတ်-မြန်မာ ချစ်ကြည်ရေး ပုဂ္ဂလိကဆေးရုံကို ချိတ်ပိတ်ပြီး တရုတ်နိုင်ငံသား ဆရာဝန် ၂ ဦးအပါအဝင် ၁၀ ဦးကို အမှုဖွင့်ထားတယ်လို့ သိရပါတယ်။
အဲဒီဆေးရုံဟာ ခွင့်ပြုချက်မဲ့ ဆောက်လုပ်ထားတာဖြစ်ပြီး တရားမဝင် ဆေးဝါးတွေကို အသုံးပြုနေတာတေ့ွရှိရသလို တရားမဝင် ကိုယ်ဝန်ဖျက်ချတာတွေတွေ လုပ်ကိုင်နေတယ်လို့ ဆေးရုံကို ဝင်ရောက်စစ်ဆေးရာမှာ ပါဝင်တဲ့ မူဆယ် ခရိုင် ကျန်းမာရေးဦးစီးဌာန ဆေးလူမှုဆက်ဆံရေးမှူး ဒေါ်မြမြစန်းက RFA ကို ပြောပါတယ်။
အမှုဖွင့်ခံထားရသူ ၁၀ ဦးထဲမှာ တစ်ဦးက ထွက်ပြေးတိမ်းရှောင်နေတဲ့အတွက် ၉ ဦးကို မူဆယ်မြို့မရဲစခန်းမှာ ဖမ်းဆီးထိန်းသိမ်းထားတယ်လို့ သိရပါတယ်။ ထွက်ပြေးတိမ်းရှောင်နေသူဟာ မြန်မာနိုင်ငံသားဖြစ်ပြီး ဖမ်းဆီးခံ ထားရသူတွေထဲမှာလည်း မြန်မာနိုင်ငံသား ၃ ဦး ပါဝင်ပါတယ်။
သူတို့ကို ၂၀၁၃ ခုနှစ် ပုဂ္ဂလိကကျန်းမာရေးဆိုင်ရာဥပဒေ၊ ၂၀၁၅ ဆေးကောင်စီ ဥပဒေပုဒ်မတွေနဲ့ အမှုဖွင့်ထား တာဖြစ်ပါတယ်။
ဖတ်ရှုသူအများဆုံး သတင်းများ။
သတင်းများ
