ကရင် ၄ ပါတီ ပူးပေါင်းရေး ဘားအံမှာ ဆွေးနွေး
2013.09.14
လာမယ့်၂ဝ၁၅ ခုနှစ်မှာ ကျင်းပမယ့် ရွေးကောက်ပွဲမှာ ကရင်တိုင်းရင်းသား ကိုယ်စားပြုပါတီ ၄ ပါတီ ပူးပေါင်းပြီး ဝင်ရောက်ယှဉ်ပြိုင်နိုင်ဖို့နဲ့ ပါတီတစ်ခုတည်းအဖြစ် ပူးပေါင်းသွားကြဖို့အတွက် ပထမဆုံးအကြိမ် ဆွေးနွေးပွဲကို ကရင်ပြည်နယ်၊ ဘားအံမြို့၊ ဇွဲကပင်စားဥယျာဉ်မှာ ဒီနေ့ စတင်ကျင်းပပါတယ်။
ကရင်လေးပါတီရဲ့ ပထမဆုံးအကြိမ် တွေ့ဆုံဆွေးနွေးပွဲအကြောင်း ဖလုံစဝေါ် ဒီမိုကရက်တစ်ပါတီ ဒုတိယဥက္ကဌ မန်းအောင်ပြည်စိုးက RFA ကို အခုလိုပြောပါတယ်။
“ကျနော်တို့ ဒါငြိမ်းချမ်းရေးတို့၊ စည်းလုံးရေးတို့အတွက် ရည်ရွယ်ပြီးကျင်းပတဲ့ဟာပဲ၊ ခေါင်းစဉ်တွေကတော့ ကရင်နိုင်ငံရေးပါတီများ တစ်ပါတီကြီးဖြစ်ပေါ်ရေး၊ ကရင်နိုင်ငရေးပါတီများ ကရင်အမျိုးသားအကျိုးအတွက် ပူးပေါင်းဆောင်ရွက်ရေး၊ ၂ဝ၁၅ ရွေးကောက်ပွဲမှာ ကရင်ပါတီများ ပူးပေါင်းဝင်ရောက်ယှဉ်ပြိုင်ရေး၊ ၂ဝ၁ဝ တုန်းက ရွေးကောက်ပွဲမကျင်းပနိုင်ခဲ့တဲ့နေရာတွေမှာ ၂ဝ၁၅ မှာ ရွေးကောက်ပွဲကျင်းပနိုင်ခွင့်ရရှိရေး”
ဒီဆွေးနွေးပွဲကို စက်တင်ဘာလ ၁၅ ရက်နေ့အထိ နှစ်ရက်ကြာကျင်းပမှာဖြစ်ပြီး ဖလုံစဝေါ် ဒီမိုကရက်တစ်ပါတီ၊ ကရင်ပြည်သူ့ပါတီ၊ ကရင်ပြည်နယ် ဒီမိုကရေစီနှင့် ဖွံ့ဖြိုးတိုးတက်ရေးပါတီ၊ ကရင်ဒီမိုကရက်တစ်ပါတီစတဲ့ ကရင်တိုင်းရင်းသားပါတီတွေ တက်ရောက်ဆွေးနွေးနေကြပါတယ်။
ဖတ်ရှုသူအများဆုံး သတင်းများ။
သတင်းများ
- မေလကုန်အထိ အပစ်ရပ်သက်တမ်းတိုးကြောင်း စစ်ကောင်စီကြေညာ
- ဝါရင့် ရခိုင်နိုင်ငံရေးသမား ဦးဦးလှစော ကွယ်လွန်
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၆ ရက်)
- KNA ခေါင်းဆောင် စောချစ်သူ နဲ့ သားနှစ်ဦးကို အမေရိကန် ပိတ်ဆို့အရေးယူ
- ငလျင်ဘေးကာလ လေကြောင်းတိုက်ခိုက်မှုတွေကြောင့် ပြည်သူ ၂၇၀ ကျော် သေဆုံးကြောင်း NUG ထုတ်ပြန်