ကုန်ဈေးနှုန်းကို အစိုးရက တိုက်ရိုက်ထိန်းချုပ်ဖို့ မသင့်ကြောင်း စီးပွားကူးသန်းဝန်ကြီး ပြော
2016.11.16
စီးပွားရေးနဲ့ ကူးသန်းရောင်းဝယ်ရေး ပြည်ထောင်စုဝန်ကြီး ဒေါက်တာသန်းမြင့် နိုဝင်ဘာလ ၁၆ ရက်နေ့က ပြည်သူ့လွှတ်တော်မှာ တင်ပြနေစဉ်
ကုန်ဈေးနှုန်း တရိပ်ရိပ်တက်နေမှုကို အစိုးရက တိုက်ရိုက်ထိန်းချုပ်ဖို့ မသင့်ကြောင်း စီးပွားရေးနဲ့ ကူးသန်းရောင်း ဝယ်ရေး ပြည်ထောင်စုဝန်ကြီး ဒေါက်တာသန်းမြင့် က ဒီနေ့ ပြည်သူ့လွှတ်တော်မှာ တင်ပြခဲ့ပါတယ်။
အရပ်ရပ်ကုန်ဈေးနှုန်း တရိပ်ရိပ်တက်နေမှုကို အစိုးရရဲ့ တာဝန်ယူမှု၊ တာဝန်ခံမှုအရ ထိန်းချုပ်ဖို့ အစီအစဉ်ရှိ၊ မရှိ မေးခွန်းကို ပြည်သူ့လွှတ်တော်ကိုယ်စားလှယ် ဒေါ်ခင်နှင်းသစ်က ဒီနေ့ မေးမြန်းခဲ့ရာ စီးပွားရေးနဲ့ ကူးသန်းရောင်းဝယ်ရေးဝန်ကြီး ဒေါက်တာသန်းမြင့် က ပြန်လည်ဖြေကြားခဲ့တာဖြစ်ပါတယ်။
ပြည်ထောင်စုဝန်ကြီး ဒေါက်တာသန်းမြင့်က ငွေကြေးဖောင်းပွမှု အခြေအနေတွေ၊ ကုန်ဈေးနှုန်းတက်ရတဲ့ အကြောင်းအရင်းတွေနဲ့ ကုန်ဈေးနှုန်းမြင့်မားလာတဲ့ နှုန်းထားတွေကို အကျယ်တဝင့် ရှင်းပြနေတာကြောင့် လွှတ်တော်ဥက္ကဌ ဦးဝင်းမြင့်က နိဂုံးချုပ်ဖို့ ဝန်ကြီးကို သတိပေးခဲ့ပြီး မေးခွန်းကို ထိထိရောက်ရောက်ဖြေဖို့လည်း တိုက်တွန်းခဲ့ပါတယ်။
မေးခွန်းမေးမြန်းတဲ့ လွှတ်တော်ကိုယ်စားလှယ် ဒေါ်ခင်နှင်းသစ်က ဝန်ကြီးရဲ့ ဖြေကြားမှုဟာ ပြည့်စုံမှုမရှိဘူးဆိုပြီး ထပ်ဆင့်မေးခွန်းဆက်လက်မေးမြန်းခဲ့ပေမယ့် ထပ်ဆင့်မေးခွန်းကို ဖြေကြားဖို့ အဆင်သင့်မဖြစ်သေးဘူးဆိုပြီး ဝန်ကြီး ဒေါက်တာသန်းမြင့် က ဖြေဆိုဖို့ ငြင်းဆန်ခဲ့တဲ့အတွက် လာမယ့် နောက်တစ်ကြိမ် လွှတ်တော်အစည်း အဝေးမှာ ပြန်လည်ဖြေဆိုပေးဖို့ လွှတ်တော်ဥက္ကဌ ဦးဝင်းမြင့်က ဝန်ကြီးကို ပြောကြားခဲ့ပါတယ်။
ဖတ်ရှုသူအများဆုံး သတင်းများ။
RFA
ဖတ်ရှုသူအများဆုံး သတင်းများ။
သတင်းများ
- မေလကုန်အထိ အပစ်ရပ်သက်တမ်းတိုးကြောင်း စစ်ကောင်စီကြေညာ
- ထိုင်း-မြန်မာ နယ်စပ်က ဒုက္ခသည် တစ်သိန်းကျော် အငတ်ဘေးနဲ့ ကြုံနေရ
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၆ ရက်)
- ဝါရင့် ရခိုင်နိုင်ငံရေးသမား ဦးဦးလှစော ကွယ်လွန်
- ငလျင်ဘေးကာလ လေကြောင်းတိုက်ခိုက်မှုတွေကြောင့် ပြည်သူ ၂၇၀ ကျော် သေဆုံးကြောင်း NUG ထုတ်ပြန်