ဒေါ်အောင်ဆန်းစုကြည် မွေးနေ့အတွက် တစ်ကိုယ်တော်လှုပ်ရှားမှု ပြုလုပ်
2024.06.18
ဒေါ်အောင်ဆန်းစုကြည် မွေးနေ့အထိမ်းအမှတ်အဖြစ် ရေဘဝဲလပြည်သူ့အကျိုးပြု လူငယ်အဖွဲ့အစည်းမှ တစ်ကိုယ်တော်လှုပ်ရှားမှုအား ၂၀၂၄ ခုနှစ်၊ ဇွန်လ ၁၉ ရက်နေ့က တွေ့ရစဥ်။
ရေဘဝဲပြည်သူ့အကျိုးပြု လူငယ်အဖွဲ့အစည်း
ဇွန်လ ၁၉ ရက် ဒီနေ့မှာကျရောက်တဲ့ ဒေါ်အောင်ဆန်းစုကြည်ရဲ့ ၇၉ နှစ်မြောက် မွေးနေ့အထိမ်းအမှတ်အဖြစ် ရေဘဝဲပြည်သူ့ အကျိုးပြုလူငယ်အဖွဲ့က ဒီနေ့မနက်အစောပိုင်း တစ်ကိုယ်တော်လှုပ်ရှားမှု ပြုလုပ်ခဲ့ပါတယ်။
နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ နာမည်စာလုံးပါတဲ့ “SUU” စာတန်းနဲ့ "နှင်းဆီပုံ" ပါ ဘန်နာကိုကိုင်ဆောင်ပြီး ရန်ကုန်မြို့ရဲ့လမ်းမကြီးတွေမှာ လှုပ်ရှားမှုလုပ်ခဲ့တာပါ။
မွေးနေ့ရှင် ဒေါ်အောင်ဆန်းစုကြည်အပါအဝင် စစ်ကောင်စီရဲ့ ဖမ်းဆီးချုပ်နှောင်ခံထားရတဲ့ နိုင်ငံရေးအကျဥ်းသားတွေ လွတ်မြောက်ဖို့ဆုတောင်းကြောင်းလည်း ရေဘဝဲအဖွဲ့က ထုတ်ပြန်ထားပါတယ်။
စစ်ကောင်စီဘက်ကလည်း ဒေါ်အောင်ဆန်းစုကြည်မွေးနေ့မှာ နိုင်ငံတစ်ဝန်း ပန်းသပိတ်လှုပ်ရှားမှုနဲ့ ဆန္ဒပြပွဲတွေမဖြစ်အောင် လုံခြုံရေးအင်အားအပြည့်နဲ့ စောင့်ကြည့်နေတယ်လို့ တော်လှန်ရေးအင်အားစုတွေက ပြောကြပါတယ်။
ဇွန်လ ၁၆ ရက်နေ့နဲ့ ၁၇ ရက်နေ့တွေကလည်း ဒေါ်အောင်ဆန်းစုကြည်ရဲ့ မွေးနေ့အကြိုအဖြစ် ရန်ကုန်တိုင်း၊ စစ်ကိုင်းတိုင်းနဲ့ ဧရာဝတီတိုင်းတို့မှာ ဆန္ဒပြပွဲတွေ ပြုလုပ်ခဲ့ကြပါတယ်။
ဖတ်ရှုသူအများဆုံး သတင်းများ။
RFA
ဖတ်ရှုသူအများဆုံး သတင်းများ။
သတင်းများ
- မေလကုန်အထိ အပစ်ရပ်သက်တမ်းတိုးကြောင်း စစ်ကောင်စီကြေညာ
- ထိုင်း-မြန်မာ နယ်စပ်က ဒုက္ခသည် တစ်သိန်းကျော် အငတ်ဘေးနဲ့ ကြုံနေရ
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၆ ရက်)
- ဝါရင့် ရခိုင်နိုင်ငံရေးသမား ဦးဦးလှစော ကွယ်လွန်
- ငလျင်ဘေးကာလ လေကြောင်းတိုက်ခိုက်မှုတွေကြောင့် ပြည်သူ ၂၇၀ ကျော် သေဆုံးကြောင်း NUG ထုတ်ပြန်