ဒေါ်အောင်ဆန်းစုကြည် အိန္ဒိယထံက အကူအညီတောင်း

နယူးဒေလီမြို့ကို အလည်အပတ်ရောက်နေတဲ့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က အိန္ဒိယအနေနဲ့ မြန်မာပြည်ရဲ့ စိုက်ပျိုးရေးကဏ္ဏနဲ့ အခြေခံအဆောက်အအုံတွေ တိုးတက်ရေး၊ ကျွမ်းကျင်နည်းပညာ အကူအညီတွေရရှိရေး၊ အလုပ်အကိုင်တွေ ဖန်တီးပေးရေးနဲ့ ပြည်သူ့ကျန်းမာရေးကိစ္စတွေကို ဦးစားပေးကူညီစေ လိုကြောင်း ပြောကြားခဲ့ပြီး အိန္ဒိယသမ္မတ မိုခါဂျီးကလည်း တတ်စွမ်းသမျှ ကူညီမှာဖြစ်ကြောင်း ကတိပေးပြော ကြားခဲ့တယ်လို့ သိရပါတယ်။

ဒေါ်အောင်ဆန်းစုကြည်နဲ့ မနေ့က တွေ့ဆုံရာမှာ အိန္ဒိယသမ္မတ Pranab Mukherjee ပရာနာ့ဗ် မူခါဂျီး က ပြီးခဲ့ တဲ့ နိုဝင်္ဘာရွေးကောက်ပွဲမှာ NLD ပါတီအနိုင်ရမှုနဲ့ မြန်မာပြည် ဒီမိုကရေစီစနစ် တည်ဆောက်ရေးအ တွက် ဒေါ်အောင်ဆန်းစုကြည် ဦးဆောင်နေမှုတွေကို ဂုဏ်ပြုပြောကြားကာ မြန်မာအမျိုးသား ပြန်လည် သင့်မြတ်ရေးနဲ့ လူမှုစီးပွားဖွံ့ဖြိုးရေးအတွက် အိန္ဒိယအစိုးရက ကူညီနိုင်မယ့်နည်းလမ်းတွေကို ဆွေးနွေးခဲ့ကြတယ် လို့ နယူးဒေလီက လာတဲ့သတင်းတွေမှာ ဖေါ်ပြထားပါတယ်။