တရားဥပဒေ ထိန်းသိမ်းရေးဟာ လူတိုင်းမှာ တာဝန်ရှိ
2013.03.22
မတ်လ ၂၂ ရက်နေ့က လွှတ်တော်အဆောက်အအုံမှာ မိတ္ထီလာအရေး သတင်းထောက်တွေရဲ့ အမေး ကို ဒေါ်အောင်ဆန်းစုကြည် ပြန်လည်ဖြေကြားနေစဉ်
တရားဥပဒေ ထိန်းသိမ်းရေးဟာ အုပ်ချုပ်သူတွေဘက်မှာတင် မဟုတ်ပဲ ပြည်သူလူထုမှာလည်း တာဝန်ရှိကြောင်း တရားဥပဒေ စိုးမိုးရေးနဲ့ တည်ငြိမ်အေးချမ်းရေး ကော်မတီ ဥက္ကဌ ဒေါ်အောင်ဆန်းစုကြည်က ဒီနေ့မှာ ပြောလိုက်ပါတယ်။
ဒီကနေ့ လွှတ်တော်အဆောက်အအုံ I-၁၂ အဆောင်မှာ သတင်းထောက်တွေက မေးမြန်းစဉ် မှာ ဒေါ်အောင်ဆန်းစုကြည်က ဖြေကြားခဲ့တာပါ။
လက်ရှိ မိတ္ထီလာမြို့မှာ ဖြစ်နေတဲ့ မီးပွားဟာ မိတ္ထီလာမြို့တစ်ခုတည်းလို့ ပြောလို့မရပဲ မီးစတစ်ခုကနေ တခြားနေရာတွေကိုပါ ပြန့် သွားနိုင်ကြောင်းလည်း ဒေါ်အောင်ဆန်းစုကြည် က သတိပေးလိုက်ပါတယ်။
မိတ္ထီလာမြို့ အဓိကရုဏ်းမှာ ရဲတပ်ဖွဲ့ဝင်တွေက လုံခြုံရေးဆောင်ရွက်ပေးတဲ့နေရာမှာ ပြဿနာကို ဖြေရှင်းဆောင်ရွက်မှုမရှိပဲ စောင့်ကြည့်နေရုံသာတွေ့ရတယ်လို့ သတင်းထောက်တစ်ဦးက မေးမြန်းရာမှာတော့ ဒေါ်အောင်ဆန်းစုကြည်က ရဲတပ်ဖွဲ့ဝင်တွေဟာ သူတို့အနေနဲ့ တစ်ခုခုတုန့်ပြန်ရင် အများကပြစ်တင်ဝေဖန်တာတွေ ခံနေရတဲ့အတွက် စိုးရိမ်တာတွေလည်း ရှိနိုင်ကြောင်းထည့်သွင်းပြောခဲ့ပါတယ်။
ဒေါ်အောင်ဆန်းစုကြည် ဖြေကြားတဲ့အချက်တွေထဲက တစ်ချို့ကို RFA ဝိုင်းတော်သား ဦးဝင်းနိုင်က ကောက်နှုတ်တင်ပြထားပါတယ်။
ဖတ်ရှုသူအများဆုံး သတင်းများ။
သတင်းများ
