ဒေါက်တာအေးမောင် အယူခံဝင်မည်


2019.03.21
dr-ayemaung-jail-622.jpg ထောင်ဒဏ်နှစ် ၂၂ ချမှတ်ခံရတဲ့ ဒေါက်တာ အေးမောင် ကို ၂၀၁၉၊ မတ် ၁၉ ရက်နေ့က အချုပ်ကားပေါ်မှာတွေ့ရစဉ်
Photo: Min Thein Aung/RFA

ပြည်သူ့လွှတ်တော်ကိုယ်စားလှယ် ဒေါက်တာအေးမောင်ကို နိုင်ငံတော်ပုန်ကန်မှု၊ နိုင်ငံတော်အကြည်ညိုပျက် စေမှုတို့နဲ့ စစ်တွေခရိုင်တရားရုံးကနေ နှစ်ရှည်ထောင်ဒဏ်ချမှတ်လိုက်တာနဲ့ ပတ်သက်ပြီး ရခိုင်ပြည်နယ် တရားလွှတ်တော်ကို အယူခံဝင်သွားမယ်လို့ ရခိုင့်ဦးဆောင်ပါတီက ပြောပါတယ်။

ခရိုင်တရားရုံးက ပြီးခဲ့တဲ့မတ်လ ၁၉ ရက်နေ့က ချလိုက်တဲ့အမိန့်ကို တရားဝင်ကူးယူခွင့် လျှောက်ထားပြီး ခွင့်ပြုရင် ဥပဒေပညာရှင်တွေနဲ့ တိုင်ပင်ပြီး အယူခံဝင်သွားမယ်လို့ ရခိုင့်ဦးဆောင်ပါတီ ဗဟိုစည်းရုံးရေး ကော်မတီဝင် ဦးအောင်သန်းေ၀ က RFA ကို ပြောပါတယ်။

ရခိုင့်ဦးဆောင်ပါတီကို ဒေါက်တာအေးမောင်က တည်ထောင်ဖို့ ကြိုးစားနေချိန်မှာပဲ နိုင်ငံတော် အကြည်ညိုပျက်စေမှု၊ နိုင်ငံတော်ပုန်ကန်မှုပုဒ်မတွေနဲ့ တရားရင်ဆိုင်ခဲ့ရပြီး ပြစ်ဒဏ်ချမှတ်ခံခဲ့ရတာ ဖြစ်ပါတယ်။

ဒေါက်တာအေးမောင်နဲ့ စာရေးဆရာ ကိုဝေဟင်အောင်တို့ဟာ ပြီးခဲ့တဲ့နှစ် ဇန်နဝါရီလ က ရသေ့တောင်မြို့မှာ ကျင်းပတဲ့ ဟောပြောပွဲတစ်ခုမှာ ရခိုင်လက်နက်ကိုင်တော်လှန်ရေးကိစ္စကို ထည့်သွင်းဟောပြောခဲ့တယ်ဆိုပြီး အစိုးရက ဖမ်းဆီးတရားစွဲဆိုခဲ့ပြီးနောက် နိုင်ငံတော်ပုန်ကန်မှုအတွက် ထောင်ဒဏ် နှစ် ၂၀၊ နိုင်ငံတော် အကြည်ညိုပျက်စေမှုအတွက် ထောင်ဒဏ် ၂ နှစ် အမိန့်ချမှတ်ခံခဲ့ရတာ ဖြစ်ပါတယ်။

ဒီသတင်းကို RFA သတင်းထောက် မသီရိမင်းဇင် ပေးပို့တာပါ။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။