ကချင်ဝန်ကြီးချုပ် ဖားကန့်ကို ပထမဆုံးအကြိမ် သွားရောက်လေ့ လာမည်


2017.04.03
dr-khataung-620.jpg ကချင်ပြည်နယ်ဝန်ကြီးချုပ် ဒေါက်တာခက်အောင် ကို တွေ့ရစဉ်
Photo: Kyaw Myo Min/ RFA

ကချင်ပြည်နယ် ဖားကန့်ကျောက်စိမ်းတွင်းဒေသ သဘာဝပတ်ဝန်းကျင်ထိန်းသိမ်းရေးနဲ့ ဒေသအတွင်း ဆောင်ရွက်နေတဲ့ အခြေအနေတွေကို ပြည်နယ်ဝန်ကြီးချုပ် ဒေါက်တာခက်အောင် ဦးဆောင်ပြီး မနက်ဖြန် ကွင်းဆင်းလေ့လာဖို့သွားမယ်လို့ သိရပါတယ်။

ဒေသဖွံ့ဖြိုးရေးလုပ်ငန်းတွေကို လေ့လာပြီး လူထုနဲ့လည်း တွေ့ဆုံမှာဖြစ်တယ်လို့ ဖားကန့်မြို့နယ် အုပ်ချုပ်ရေးမှူး ဦးကျော်စွာအောင်က ပြည်နယ်ဝန်ကြီးချုပ် လာရောက်မယ့်အကြောင်း ပြောပါတယ်။

ပြီးခဲ့တဲ့ရက်ပိုင်းက ကျင်းပခဲ့တဲ့ ပြည်နယ်လွှတ်တော်အစည်းအဝေးမှာ ဖားကန့်ဒေသ သဘာဝ ပတ်ဝန်းကျင် ထိန်းသိမ်းရေးနဲ့ ဖွံ့ဖြိုးရေးလုပ်ငန်းတွေကို ပြည်နယ်အစိုးရက ထိရောက်စွာ မဆောင်ရွက်ခဲ့ဘူးလို့ ပြည်နယ် လွှတ်တော်ရဲ့ သစ်တော၊ သတ္တု၊ သဘာဝပတ်ဝန်းကျင်ထိန်းသိမ်းရေး၊ စိုက်ပျိုးရေးနဲ့ မွေးမြူရေးဆိုင်ရာကော်မတီက တင်သွင်းတဲ့ အစီရင်စာမှာ ဖော်ပြထားပါတယ်။

အစိုးရသစ်လက်ထက် တစ်နှစ်တာကာလအတွင်းမှာ ဝန်ကြီးချုပ်တစ်ယောက်အနေနဲ့ ဖားကန့်ဒေသကို ပထမဆုံး အကြိမ်သွားရောက်တာ ဖြစ်ပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။