အရေးပေါ်ကာလ စီမံခန့်ခွဲမှု ဒု သမ္မတ ဦးဆောင်မယ်

ကြေညာချက်ကို ဇူလိုင်လ ၁၂ ရက်နေ့ ရက်စွဲနဲ့ ထုတ်ပြန်ခဲ့တာဖြစ်ပြီး သမ္မတရုံး ဖေ့စ်ဘွတ်ကနေ ဒီနေ့ ထုတ်ပြန်လိုက်တာ ဖြစ်ပါတယ်။

အဲ့ဒီကော်မတီမှာ ဒုတိယသမ္မတ ဦးဟင်နရီ ဗန်ထီးယူက ဥက္ကဌအဖြစ် တာဝန်ယူပြီး ပြည်ထဲရေးဝန်ကြီး ကာကွယ်ရေးဝန်ကြီး၊ နယ်စပ်ရေးရာဝန်ကြီး၊ တိုင်းနဲ့ပြည်နယ်ဝန်ကြီးချုပ်တွေနဲ့ ရဲချုပ် စတဲ့ ပုဂ္ဂိုလ်တွေလည်း ပါဝင်ပါတယ်။

ပြီးခဲ့တဲ့ အစိုးရလက်ထက်ကလည်း အရေးပေါ်ကာလ စီမံခန့်ခွဲရေး ဗဟိုကော်မတီကို ဒုတိယသမ္မတ ဦးဉာဏ်ထွန်း ဦးဆောင်ဖွဲ့စည်းခဲ့ကြောင်းနဲ့ ၂၁၀၅ခုနှစ်က ဖြစ်ပွားခဲ့တဲ့ ရေဘေးသင့်တဲ့ဒေသတွေကို အကူအညီပေးခဲ့ကြောင်း ဦးဇော်ဋ္ဌေး က ပြောပါတယ်။

အဲ့ဒီကော်မတီရဲ့တာဝန်တွေက လူမျိုးရေး ဘာသာရေး အဓိကရုဏ်းတွေ ထပ်မံ မဖြစ်စေရေး ထိထိရောက်ရောက် ကာကွယ်နိုင်ဖို့၊ နောက်ကွယ်က သွေးထိုးလှုံ့ဆော်မှုတွေကို တစ်နိုင်ငံလုံး အတိုင်းအတာနဲ့ တားဆီးကာကွယ်နိုင် ဖို့၊ နိုင်ငံရေး သွေးထိုးလှုံ့ဆော်မူတွေကြောင့် ဆန္ဒပြမှုတွေဖြစ်လာရင် ပြည်သူ့အားနဲ့ တန်ပြန် ပြန်လည်ဆန္ဒပြဖို့ စတဲ့ အချက် ၁၁ ချက်နဲ့ ထုတ်ပြန်ထားတာ ဖြစ်ပါတယ်။

လူမျိုးရေး ဘာသာရေး အဓိကရုဏ်းတွေ ဖြစ်နေချိန်သာမက မဖြစ်ပွားသေးခင်အချိန်မှာပါ သတင်းအချက်အလက် မှန်တွေ ရရှိရေးအတွက် ပြည်ထဲရေး၊ ကာကွယ်ရေးစတဲ့ ဋ္ဌာနဆိုင်ရာတွေ အပြန်အလှန်ချိတ်ဆက်ပြီး ပူးပေါင်းဆောင်ရွက်သွားဖို့နဲ့ အဲဒီပဋိပက္ခတွေဖြေရှင်းနိုင်ဖို့အတွက် ညွှန်ကြားချက်တွေ တစ်မိန့်တစ်သံထဲ ချမှတ်နိုင်ဖို့အတွက် ဗဟိုဦးစီးအဖွဲ့ကို ဖွဲ့စည်းရတာလို့ ပြောပါတယ်။

ဒါ့အပြင် နိုင်ငံရေး သွေးထိုးလှုံ့ဆော်မှုတွေကြောင့် ဆန္ဒပြမှုတွေဖြစ်လာရင် ပြည်သူ့အားနဲ့ ပြန်လည်ဆန္ဒဖော် ထုတ်မှုနဲ့ ချေဖျက်ဖို့ဆိုတဲ့အချက်ကို ထည့်သွင်းထားတာဟာလည်း အုပ်စုတစ်ခုနဲ့တစ်ခု ထိပ်တိုက်တိုးစေဖို့ ဆိုတဲ့နည်းကို မရည်ရွယ်ဘဲ ပြည်သူကို ဆွဲဆောင်စည်းရုံးပြီး ပြည်သူ့အားနဲ့ ပြဿနာတွေကို ဖြေရှင်းစေဖို့ဖြစ် တယ်လို့ပြောပါတယ်။

ဆန္ဒပြမှု၊ ဆူပူအကြမ်းဖက် ဖျက်ဆီးမှု အခြေအနေတွေကို ထိန်းသိမ်းကိုင်တွယ် ဆောင်ရွက်နိုင်ဖို့အတွက် အရေးပေါ်ကာလ စီမံခန့်ခွဲရေး ဗဟိုကော်မတီ ကို ပြီးခဲ့တဲ့ ဇူလိုင်လ ၁၂ ရက်နေ့က ဖွဲ့စည်းကြောင်း အစိုးရက ကြေညာလိုက်ပါတယ်။

အရေးပေါ်ကာလ စီမံခန့်ခွဲရေး ဗဟိုကော်မတီ ဖွဲ့စည်းတဲ့ ရည်ရွယ်ချက်နဲ့ ပတ်သက်ပြီး သမ္မတရုံး ဝန်ကြီး ပြောရေးဆိုခွင့်ရှိသူ ဦးဇော်ဌေးကို RFA သတင်းထောက် ကိုသီဟထွန်းက ဆက်သွယ်မေးမြန်း ထားပါတယ်။