စစ်ဘေးဒုက္ခသည်တွေကို ကူညီဖို့ တိုင်းရင်းသားရေးရာကော်မတီကို တိုက်တွန်း

ပြည်သူ့လွှတ်တော်က ဖွဲ့စည်းထားတဲ့ တိုင်းရင်းသားရေးရာနဲ့ ပြည်တွင်းငြိမ်းချမ်းရေးဖော်ဆောင်မှု ကော်မတီဟာ အမည်ခံရ ပ်တည်မနေဘဲ စစ်ဘေးရှောင်ပြည်သူတွေကို ကူညီစောင့်ရှောက်ဖို့ တိုင်းရင်းသားလွှတ်တော် ကိုယ်စားလှယ်တချို့က ဒီနေ့ တိုက်တွန်းလိုက်ပါတယ်။

တိုင်းရင်းသားရေးရာနဲ့ ပြည်တွင်းငြိမ်းချမ်းရေး ဖော်ဆောင်မှု ကော်မတီက တင်သွင်းထားတဲ့ ကော်မတီရဲ့ အစီရင်ခံစာကို ဒီနေ့ ပြည်သူ့လွှတ်တော်မှာ ဆွေးနွေးရာမှာ ကချင်၊ ရှမ်း၊ ရခိုင်က လွှတ်တော် ကိုယ်စားလှယ် အပါအဝင် ၄ ဦး က ပါဝင်ဆွေးနွေးခဲ့တာပါ။

အဲဒီလိုဆွေးနွေးရာမှာ လက်ရှိမှာ စစ်ဘေးဒုက္ခသည်တွေကို ကူညီဖို့ ပျက်ကွက်နေပြီး ငြိမ်းချမ်းရေးကဏ္ဍမှာ ထင်သာတဲ့ ကြိုးပမ်းမှု မတေ့ွရကြောင်းလည်း ဝေဖန်ခဲ့ပါတယ်။

အဲဒီကော်မတီကို တပ်မတော်သား ကိုယ်စားလှယ် တစ်ဦးအပါအဝင် ရှမ်း၊ ကချင်၊ ကယား၊ ကရင်၊ ချင်း စတဲ့ တိုင်းရင်းသားဒေသတွေက ကိုယ်စားလှယ် စုစုပေါင်း ၁၅ ဦး နဲ့ ဖွဲ့စည်းထားတာဖြစ်ပါတယ်။