ဒေါ်လာဈေးနှုန်း ဆက်လက် ကျဆင်း

ကိုရီးယား ငွေလဲလှယ်ရေးဘဏ်တွင် အမေရိကန် ဒေါ်လာ ရာတန်အုပ်များကို ဘဏ်အမှုထမ်းတဦး ရေတွက်နေပုံ ဖြစ်ပါသည်။ (Photo: AFP)

Export Earning လို့ခေါ်တဲ့ ပို့ကုန် ရငွေကတော့ မနေ့က မနက်ပိုင်းမှာ ရ၉၀ ကျပ်နဲ့ ဈေးစဖွင့်ပြီး ဈေးပိတ်ချိန်မှာ ၇၈၃ ကျပ်ထိ ကျဆင်းသွားပါတယ်။ ပြီးခဲ့တဲ့ သောကြာနေ့က ဈေးကွက်မှာ ၇၉၂ ကျပ်အထိ ရှိခဲ့တာပါ။

အခုလို ဒေါ်လာဈေးတွေ ဆက်လက် ကျဆင်းနေတာဟာ အခွန်လျှော့မည့် သတင်းကြောင့် ပို့ကုန်သမားတွေဘက်က ဈေးကိုက်လာမယ် အထင်နဲ့ ဈေးကို ချဝယ်ကြတာကြောင့် ဈေးကျ သွားတာ ဖြစ်နိုင်ကြောင်း ပြောဆိုပါတယ်။

မနေ့က စတင်ပြီး ပို့ကုန် (၇) ခုနဲ့ပတ်သက်လို့ ကုန်သွယ် လုပ်ငန်းခွန် ခြောက်လ ကင်းလွတ်ခွင့် ပေးပြီး ဝင်ငွေခွန် နှစ်ရာခိုင်နှုန်းပဲ ကောက်ခံမည့် အကြောင်း အစိုးရက ကြေညာပြီးနောက် အခုလို ဒေါ်လာဈေးတွေ ဆက်လက် ကျဆင်းခဲ့တာ ဖြစ်ပါတယ်။

မြန်မာနိုင်ငံမှာ ပို့ကုန် စီးပွားရေး ကောင်းမွန်လာအောင် ဆောင်ရွက်နေ သလို သွင်းကုန် လုပ်ငန်းကိုလည်း အစိုးရ အနေနဲ့ ကျယ်ကျယ် ပြန့်ပြန့်လုပ်ကိုင်ခွင့်ပေးဖို့ လုပ်ငန်းရှင်တွေဘက်က ဆွေးနွေး တင်ပြထားတယ်လို့ သိရပါတယ်။