ဗိုလ်ချုပ် အောင်ဆန်း နှစ် ၁ဝဝ ပြည့် အခမ်းအနား ကျင်းပ

ဗိုလ်ချုပ် အောင်ဆန်း  နှစ် ၁ဝဝ ပြည့် အထိမ်းအမှတ် အခမ်းအနားကို ဒီနေ့ ရန်ကုန်မြို့ ကန်တော်ကြီး ပန်းခြံမှာရှိတဲ့ ဗိုလ်ချုပ်ကြေးရုပ်ရှေ့မှာ ကျင်းပပြီး တက်ရောက်ကြသူတွေက ဗိုလ်ချုပ်အောင်ဆန်းကို အလေးပြုခဲ့ကြပါတယ်။

ဗိုလ်ချုပ်အောင်ဆန်းမွေးနေ့ကို ကျောင်းသားပြည်သူ အားလုံး သတိတရရှိစေဖို့အတွက် ဗိုလ်ချုပ်နှစ် ၁ဝဝ ပြည့် အထိမ်းအမှတ်အခမ်းအနားတွေကို ၂ဝ၁၅ ခုနှစ် တစ်နှစ်လုံး နေရာအနှံအပြားမှာ ကျင်းပသွား မှာဖြစ်တယ်လို့ ဒီနေ့ မနက်က အခမ်းအနားကို ဦးဆောင်ကျင်းပခဲ့တဲ့ NLD  ဗဟိုအလုပ်အမှုဆောင် အဖွဲ့ဝင် ဦးညီပုက ပြောပါတယ်။

ဒါ့အပြင် ဗိုလ်ချုပ် အောင်ဆန်း နှစ် ၁ဝဝ ပြည့်ကျင်းပတဲ့ ပန်းရဲ့လမ်းဂီတအဖွဲ့ကလည်း အမျိုးသားဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည် အိမ်ရှေ့မှာ ဗိုလ်ချုပ်အောင်ဆန်းကို ဂုဏ်ပြုတဲ့ အနေနဲ့သွားရောက်ခဲ့ ပြီး ဒေါ်အောင်ဆန်းစုကြည်က တွေ့ဆုံအားပေးခဲ့ပါတယ်။

NLD ပါတီက ဗိုလ်ချုပ်နှစ် ၁ဝဝ ပြည့် အထိမ်းအမှတ်ကျင်းပရေး ကော်မတီကို ဖွဲ့စည်းထားပြီး ရန်ကုန်တိုင်းဒေသ ကြီး ခရိုင် ၄ ခုမှာ ဗိုလ်ချုပ်ရာပြည့် အထိမ်းအမှတ် စာပေဟောပြောပွဲတွေ၊ တေးဂီတဖျော်ဖြေပွဲတွေကို ဒီဇင်ဘာလ ၁ ရက်နေ့ကစပြီး ကျင်းပနေတာဖြစ်ပါတယ်။

ဦးညီပုကို RFA သတင်းထောက် မဝေယံမိုးမြင့်က ဆက်သွယ်မေးမြန်းထားပါတယ်။