အစိုးရရဲ့ စီးပွားရေးမူဝါဒ ထုတ်ပြန်

အမျိုးသားပြန်လည်သင့်မြတ်ရေးကို ဦးတည်တဲ့ သဘာဝသယံဇာတအရင်းအမြစ်တွေကို ပြည်နယ်နဲ့ တိုင်းဒေသကြီးတွေမှာ ခွဲဝေအသုံးချနိုင်မယ့် အစိုးရရဲ့ စီးပွားရေးမူဝါဒကို ဒီကနေ့ ထုတ်ပြန်ကြေညာလိုက်ပါတယ်။

နေပြည်တော် အပြည်ပြည်ဆိုင်ရာ ကွန်ဗင်းရှင်းစင်တာ ၂ မှာ ကျင်းပပြီး နိုင်ငံနဲ့ ပြည်သူ ဖွဲ့ဖြိုးတိုးတက်ဖို့ ရည်ရွယ်ပြီး ရေးဆွဲထားတာဖြစ်တယ်လို့ စီမံကိန်းနဲ့ ဘဏ္ဍာရေးဝန်ကြီးဌာန အမြဲတမ်းအတွင်းဝန် ဦးထွန်းထွန်းနိုင် က ပြောပါတယ်။

"ကျနော်တို့ အဓိက စီးပွားရေးမူဝါဒကိုဆွဲရတဲ့ ရည်ရွယ်ချက်ကတော့ နိုင်ငံနဲ့ ပြည်သူရဲ့ ဖွံ့ဖြိုးတိုးတက်ဖို့ အတွက်ကို ရည်ရွယ်တာပေါ့၊ ဒါကတော့ အမြဲတမ်းမှန်တဲ့ကိစ္စပါ၊ နိုင်ငံနဲ့ လူမျိုးရဲ့ဖွံ့ဖြိုးတိုးတက်ဖို့အတွက် ချမှတ်ရေးဆွဲတဲ့မူဝါဒပေါ့"