ကျူးကျော်တွေအတွက် အရစ်ကျ ဝယ်ယူခွင့်နဲ့ တိုက်ခန်းပေါင်း တစ်သောင်းနီးပါး ဖော်ဆောင်မည်
2016.11.16
ဒဂုံမြို့နယ် ရန်ကုန်တိုင်းဒေသကြီး လွှတ်တော်ကိုယ်စားလှယ် ဦးကျော်ဇေယျကို နိုဝင်ဘာလ ၁၆ ရက်နေ့က တွေ့ရစဉ်
ရန်ကုန်တိုင်းဒေသကြီးအတွင်း အမှန်တကယ် နေအိမ်မရှိတဲ့ ကျူးကျော်နေထိုင်သူတွေအတွက် အရစ်ကျဝယ်ယူခွင့် နဲ့ တိုက်ခန်းပေါင်း ၁ သောင်း နီးပါး ဖော်ဆောင်ပေးသွားမယ်လို့ ဒီနေ့ တိုင်းဒေသကြီး လုံခြုံရေးနဲ့ နယ်စပ်ရေးရာ ဝန်ကြီး ဗိုလ်မှူးကြီး တင်အောင်ထွန်းက ဖြေကြားခဲ့ကြောင်း တိုင်းလွှတ်တော် ကိုယ်စားလှယ် ဦးကျော်ဇေယျ က ပြောပါတယ်။
တိုင်းအတွင်းက ကျူးကျော်တွေအတွက် အစိုးရအဖွဲ့က စီစဉ်ဆောင်ရွက်ထားတဲ့အခြေအနေကို က ဒဂုံမြို့နယ် ရန်ကုန်တိုင်းဒေသကြီး လွှတ်တော်ကိုယ်စားလှယ် ဦးကျော်ဇေယျ က မေးခွန်းမေးမြန်းရာမှာ ပြန်လည်ဖြေကြား ခဲ့တာဖြစ်ပါတယ်။
ကျူးကျော်အရေအတွက်နဲ့ တိုက်ခန်းအရေအတွက် လုံလောက်မှုရှိအောင် အစိုးရအဖွဲ့နဲ့ တိုင်းလွှတ်တော် ကိုယ်စားလှယ်တွေ ပူးပေါင်းဖြေရှင်းဖို့ လိုအပ်တယ်လို့ ကိုယ်စားလှယ် ဦးကျော်ဇေယျ က ပြောပါတယ်။
တိုင်းအစိုးရအဖွဲ့က ကျူးကျော်တွေအတွက် အလုပ်အကိုင်တွေ ဖန်တီးပေးသွားမယ် လို့လည်း သိရပါတယ်။ အမှန်တကယ် နေစရာမရှိသူတွေမဟုတ်ဘဲ စီးပွားဖြစ်သဘောမျိုး ကျူးကျော်နေထိုင်သူတွေကို စာရင်းအပြီးအစီး ကောက်ယူပြီးနောက်ပိုင်းမှာ အရေးယူသွားမယ်လို့လည်း တိုင်းအစိုးရအဖွဲ့က ထုတ်ပြန် ထားပါတယ်။
ရန်ကုန်တိုင်းဒေသကြီး အစိုးရအဖွဲ့ရဲ့ ညွှန်ကြားချက်နဲ့ ကျူးကျော်စာရင်းတွေကို ကောက်ယူခဲ့တာမှာ ကျူးကျော် မိသားစုပေါင်း ၁ သိန်းခွဲကျော် ရှိနေတယ်လို့ ပြော ပါတယ်။
ဖတ်ရှုသူအများဆုံး သတင်းများ။
RFA
ဖတ်ရှုသူအများဆုံး သတင်းများ။
သတင်းများ
- မေလကုန်အထိ အပစ်ရပ်သက်တမ်းတိုးကြောင်း စစ်ကောင်စီကြေညာ
- ထိုင်း-မြန်မာ နယ်စပ်က ဒုက္ခသည် တစ်သိန်းကျော် အငတ်ဘေးနဲ့ ကြုံနေရ
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၆ ရက်)
- ဝါရင့် ရခိုင်နိုင်ငံရေးသမား ဦးဦးလှစော ကွယ်လွန်
- ငလျင်ဘေးကာလ လေကြောင်းတိုက်ခိုက်မှုတွေကြောင့် ပြည်သူ ၂၇၀ ကျော် သေဆုံးကြောင်း NUG ထုတ်ပြန်