လူ့အခွင့်အရေးချိုးဖောက်မှု ကုလသမဂ္ဂ လူ့အခွင့်အရေးကောင်စီကို တင်သွင်း
2012.06.08
၂၀၁၂ ခုနှစ် ဖေဖော်ဝါရီလ ၂၈ ရက်က ဆွစ်ဇာလန်နိုင်ငံ ဂျနီဗာမြို့တွင် ကုလသမဂ္ဂ လူ့အခွင့်ရေးကောင်စီ ညီလာခံကျင်းပနေစဉ်။
ဒီလ ၂၀ ရက်နေ့မှာ ကုလသမဂ္ဂ လူ့အခွင့်ရေးကောင်စီ ညီလာခံကို ဆွစ်ဇာလန်နိုင်ငံ ဂျနီဗာမြို့မှာ ပြုလုပ်ဖို့ ရှိပါတယ်။
တရားစီရင်ရေးမှာ အဂတိလိုက်စားမှု ထူပြောနေတဲ့ကိစ္စ၊ ဖမ်းဆီးခံရသူတွေကို ညှဉ်းပန်းနှိပ်စက်တဲ့ကိစ္စနဲ့ မြေယာတွေကို အာဏာသုံးပြီး သိမ်းယူနေတဲ့ကိစ္စ စတဲ့အချက် ၃ ချက်ကို ၂၀၁၂ ခုနှစ်အတွက် မြန်မာနိုင်ငံဆိုင်ရာ လူ့အခွင့်ရေး အခြေအနေတွေကို ဆွေးနွေးတဲ့အခါ ထည့်သွင်းဆွေးနွေးနိုင်ဖို့ တင်ပြရတာဖြစ်ကြောင်း လူ့အခွင့်အရေးရှေ့နေ ဦးမင်းလွင်ဦးက ပြောပါတယ်။
မြန်မာနိုင်ငံမှာ နိုင်ငံရေး ပြုပြင်ပြောင်းလဲမှုတွေ ပြုလုပ်နေတယ်ဆိုပေမယ့်၊ တရားစီရင်ရေး မဏ္ဍိုင်ရဲ့ အားနည်းချက်ကြောင့် လူ့အခွင့်အရေး ချိုးဖောက်မှုတွေ ဆက်လက်ဖြစ်ပေါ်စတယ်လို့ အာရှ ဥပဒေရေးရာဌာန ALRC က ပြောဆိုထားပါတယ်။
အခုတင်သွင်းတဲ့ အချက် ၃ ချက်နဲ့ပတ်သက်ပြီး မြန်မာနိုင်ငံအတွင်း ဖြစ်ပျက်ခဲ့တဲ့ အဖြစ်အပျက်တွေကို သေချာစွာမှတ်တမ်းပြုစုပြီး အထောက်အထားတွေ နဲ့တကွ တင်ပြထားတယ်လို့လည်း ဦးမင်းလွင်ဦးက ပြောဆိုခဲ့ပါတယ်။
လူ့အခွင့်အရေးရှေ့နေ ဦးမင်းလွင်ဦးကို RFA အဖွဲ့သား ကိုဇော်မိုးကျော်က ဆက်သွယ်မေးမြန်းထားတာ နားဆင်နိုင်ပါတယ်။
 |
ဆက်သွယ်မေးမြန်းချက်။ |
 |
အသံဖိုင်ယူရန်။ |
ဖတ်ရှုသူအများဆုံး သတင်းများ။
သတင်းများ
