လူကုန်ကူးခံရသူ ၇ ဦး လွတ်မြောက်

မွန်ပြည်နယ် ရေးမြို့ ဇီးဖြူသောင်ကျေးရွာအနီး ပင်လယ်ပြင်မှာ ငါဖမ်းစက်လှေတစ်စီးပေါ်က လူကုန်ကူးခံရသူ ၇ ဦးကို ဒေသခံအရပ်ဘက်အဖွဲ့အစည်းတွေက ကယ်ဆယ်လိုက်ပါတယ်။

လူကုန်ကူးခံရသူ ၇ ဦးဟာ ငါးဖမ်းစက်လှေပေါ်ကနေ ရေတပ်သင်္ဘောတစ်စီးက ပထမဆုံး ကယ်တင်လိုက်တာဖြစ် ပြီး အဲဒီသင်္ဘောက ဇီးဖြူသောင်ရွာမှာ ကမ်းကပ်လိုက်ပြီး အရပ်ဘက်အဖွဲ့တွေဆီ လွှဲပေးခဲ့တာဖြစ်တယ်လို့ ရေး မြိုနယ် လူမှုအကျိုးဆောင်အဖွ့ဲ အတွင်းရေးမှူး ဦးအောင်နိုင်ဝင်း က ပြောပါတယ်။

"ရေတပ်သင်္ဘောကပ်တဲ့အချိန်မှာ လှေပေါ်က ရေလုပ်သား ၇ ယောက်က သူတို့ကိုကယ်ပါဆိုပြီးတော့ ပြန်ချင် ပါတယ်ဆိုပြီးတော့ ရေတပ်သင်္ဘောပေါ်ကို တက်ပြေးလာပါတယ်၊ ကျနော်တို့ ရပ်ကွက်လူမှုအဖွဲ့အစည်းကို ဆက်သွယ်တာ ၇ ယောက်မှာ ၄ ယောက်က ပြန်ချင်ပါတယ်ဆိုပြီးတော့ အဲ့အတွက်ကူညီပါဆိုပြီးတော့ပြောတယ်၊ ၂ ယောက်က လှေပေါ်လိုက်နေရတာ နှစ်နှစ်ရှိသွားပြီ နောက် ၁ ယောက်က လေးလလောက်ရှိသွားပြီ၊ ဒီဟာကို သူတို့အကူအညီတောင်းတယ်၊ ပွဲစားတွေကတဆင့် လုပ်အားခေါင်းပုံဖြတ်ပြီး လှေပေါ်ကို ရောက်လာတာဖြစ် တယ်၊ နောက်သူတို့ဆန္ဒမပါဘဲနဲ့ လှေပေါ်ပြန်တက်ရတာဖြစ်တဲ့အတွက် လူကုန်ကူးခံရတယ်လို့ ကျနော်တို့က သတ်မှတ်လိုက်တယ်"