တရားမဝင်သစ်တွေ ပိုင်ရှင်မဲ့ ဖမ်းမိရင် သစ်တောအရာရှိတွေကို သတိပေးအရေးယူမည်

"သစ်ကို ရှိမှန်းသိပါရဲ့နဲ့ ပိုင်ရှင်လည်းသိပါရဲ့နဲ့ ပိုင်ရှင်မဲ့ဆိုပြီးတော့မှ တဖက်လှည့်နဲ့ အဂတိလိုက်စားမှုနဲ့ ဖြစ်သွား ရင်လည်း ကျနော်တို့က အရေးယူမယ် ဆိုတာကိုလည်း တရားဝင်စာနဲ့လည်း အကြောင်းကြား ပြီးပါပြီ။ တတိုင်း လုံးကိုလည်း ပြောထားပြီးပါပြီ။ အဲဒီမှာ အရာအားလုံးကိုတော့ ကျနော်တို့က အရေးယူမှာ မဟုတ်ပေမယ့် ခိုင်လုံ တဲ့အထောက်အထားရှိရင်တော့ တိကျစွာ ကျနော်တို့က ဒီအစိုးရသက်တမ်းလည်း တစ်နှစ်ပြည့်ပြီဆိုတော့ တိကျစွာအရေးယူပါ့မယ်"

လက်ရှိအစိုးရသက်တမ်း တစ်နှစ်ကျော်ကာလအတွင်း မကွေးတိုင်းဒေသကြီးမှာ တရားမဝင် သစ်တန်ချိန် ၂၀၀၀ ကျော်ဖမ်းဆီးရမိထားပြီး ဖမ်းဆီးရမိတဲ့ သစ်တွေထဲမှာ ပိတောက်၊ ကျွန်း၊ ပျဉ်းကတိုး၊ အင်ကြင်း၊ တမလန်း စတဲ့ သစ်အမျိုးအစားတွေ ပါဝင်တယ်လို့ သိရပါတယ်။

တရားမဝင်သစ်တွေကို ဖမ်းဆီးရမိရာမှာ သစ်တွေကို သယ်ဆောင်ဖို့ ပြင်ဆင်တဲ့ ၂၂ ဘီးယာဉ် ၊ ၁၀ ဘီးယာဉ်တွေပါ ဖမ်းဆီးမိပေမယ့် ယာဉ်မောင်းတွေကိုတောင် ဖမ်းမိတဲ့ အနေအထားမရှိတဲ့အတွက် သစ်တောဝန်ထမ်းတွေအနေနဲ့ အဂတိလိုက်စားမှုတွေ ရှိနေနိုင်တယ်လို့လည်း ဝန်ကြီးက ပြောပါတယ်။

ဖမ်းဆီးရမိတဲ့ တရားမဝင်သစ်တွေကို ပြည်ထောင်စုအစိုးရက တိုင်းနဲ့ပြည်နယ်အားလုံး အတွက် ပြန်လည်ရောင်း ချပေးရာမှာ မကွေးတိုင်းဒေသကြီးအစိုးရက ခွဲတမ်း တန်ချိန် ၄၀၀ ရရှိထားတယ်လို့ သိရပါတယ်။ အဲဒီတန်ချိန် ၄၀၀ ကို တိုင်းဒေသကြီးအတွင်းက လိုအပ်တဲ့မြို့နယ်တွေမှာ အသုံးပြုနိုင်အောင် ဒီလနဲ့မေလအတွင်းမှာ ရောင်း ချပေးသွားမှာ ဖြစ်တယ်လို့ ပြောပါတယ်။

စာသင်ကျောင်း၊ ဓမ္မာရုံ၊ စေတီပုထိုးပြင်ဆင်တာတွေမှာ အသုံးပြုနိုင်ဖို့အတွက် ဦးစားပေး ရောင်းချပေးသွား မှာ ဖြစ်တယ်လို့ သိရပါတယ်။