နယူးဒေလီမြို့မှာ ဇူလိုင် ၇ အခမ်းအနား ကျင်းပ
2012.07.07
နှစ် ၅၀ ပြည့် ဇူလိုင် ၇ အခမ်းအနားကို အိန္ဒိယနိုင်ငံ နယူးဒေလီမြို့ ရွှေဝါရောင် ကျောင်းတိုက်တွင် ၂၀၁၂ ခုနှစ် ဇူလိုင်လ ၇ ရက်နေ့က မြန်မာ့ ဒီမိုကရေစီ အင်အားစုများ စုပေါင်း ကျင်းပနေစဉ်။
နံနက် ၁၀ နာရီကနေ နေ့လယ် ၁၂ နာရီအထိ ကျင်းပခဲ့တဲ့ အဲဒီ အခမ်းအနားမှာ ဒေလီရောက် မြန်မာ့ ဒီမိုကရေစီ အင်အားစုတွေ အယောက် ၃၀ ခန့် တက်ရောက်ခဲ့ကြပြီး ဇူလိုင် ၇ မှာ သေဆုံးသွားကြတဲ့ ကျောင်းသားတွေ အတွက် ရေစက်ချ အမျှဝေပေးခဲ့ကြတယ်လို့ ရွှေဝါရောင် ကျောင်းတိုက်က ဦးနန္ဒာစရိယ က RFA ကို မိန့်ပါတယ်။
"၇ ဇူလိုင်နေ့မှာ ကျောင်းသားတွေ ကျဆုံးသွားကြတယ်။ အာဏာရှင်တွေကပေါ့၊ တက္ကသိုလ်ကြီးကို ဗုံးနဲ့ပစ်ခွဲတာတွေ၊ ဒီဟာတွေကို အိန္ဒိယနိုင်ငံသားတွေလည်း သိသွားအောင်လို့ပေါ့ဗျာ၊ ဒီဟာကို နလန်ထလာအောင် ဒီအခမ်းအနားမျိုးကို လုပ်ပေးသင့်တယ်ဆိုပြီး ဦးဇင်းတို့ လုပ်ခဲ့ကြတာ ဖြစ်တယ်။ ကျောင်းသားတွေအတွက် ရေစက်ချ အခမ်းအနားတွေ လုပ်ပေးတယ်။ အလှူအတန်း အမျှဝေပေးကြပါတယ်"
ဒီကနေ့ ပြုလုပ်တဲ့ ဇူလိုင် ၇ အခမ်းအနားကို တက်ရောက်တဲ့ ဇိုမီးအမျိုးသား ကွန်ကရက်ပါတီ (လွတ်မြောက်နယ်မြေ) တာဝန်ခံ ကိုမင်းထန်က ကျောင်းသားတွေရဲ့ ပေးဆပ်မှုတွေကို တန်ဖိုးထားဖို့ လိုတယ်လို့ ပြောပါတယ်။
"ကျောင်းသားတွေ အသက်ကို ပေးဆပ်ရတဲ့ ဇူလိုင် ၇ ရဲ့ အောက်မေ့ဖွယ် အခမ်းအနားတွေဟာ လုပ်သင့်တာပေါ့လေ။ နောက်ပြီး ကျောင်းသားတွေရဲ့ ပေးဆပ်မှုတွေကို ကျွန်တော်တို့ တန်ဖိုးထားဖို့ လိုပါတယ်"
ဖတ်ရှုသူအများဆုံး သတင်းများ။
သတင်းများ
- မေလကုန်အထိ အပစ်ရပ်သက်တမ်းတိုးကြောင်း စစ်ကောင်စီကြေညာ
- ဝါရင့် ရခိုင်နိုင်ငံရေးသမား ဦးဦးလှစော ကွယ်လွန်
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၆ ရက်)
- KNA ခေါင်းဆောင် စောချစ်သူ နဲ့ သားနှစ်ဦးကို အမေရိကန် ပိတ်ဆို့အရေးယူ
- ငလျင်ဘေးကာလ လေကြောင်းတိုက်ခိုက်မှုတွေကြောင့် ပြည်သူ ၂၇၀ ကျော် သေဆုံးကြောင်း NUG ထုတ်ပြန်