အိန္ဒိယရေတပ် ဖွဲ့ မြန်မာပြည်ရောက်ရှိ

Tir နဲ့ Sujata အိန္ဒိယရေတပ်သင်္ဘောနှစ်စင်းနဲ့ Varuna ကမ်းရိုးတန်းစောင့်ရေယာဉ်တို့ဟာ ပင်လယ်ရပ်ခြား တပ်ဖြန့်ချရေးလေ့ကျင့်နေပြီး လေ့ကျင့်ခန်းရဲ့ တစိတ်တပိုင်းအဖြစ် တပ်ဖွဲ့ဝင်တွေဟာ ရန်ကုန်မြို့ကို ဒီလ ၂ ရက်က ၆ ရက်နေ့ထိ အလည်အပတ် ခရီးရောက်ရှိနေပါတယ်။

အိန္ဒိယရေတပ်ဗိုလ်ချုပ် Sunil Lanba ဟာ လေ့ကျင့်တပ်ဖွဲ့ဝင်တွေဆီ သွားရောက်ချိန်အတွင်း မြန်မာနိုင်ငံကိုလည်း တရားဝင်ခရီး ရောက်ရှိနေပါတယ်။ အိန္ဒိယရေတပ် လေ့ကျင့်ရေးတပ်ဖွဲ့ ရန်ကုန်ရောက်ရှိနေတာဟာ နှစ်နိုင်ငံ နဲ့ နှစ်နိုင်ငံရေတပ်ချင်း ဆက်ဆံရေးရှေ့ဆက်ခိုင်မြဲစေဖို့ဖြစ်တယ်လို့ အိန္ဒိယ ANI သတင်းမှာ ပါရှိပါတယ်။