အိန္ဒိယက စစ်ကောင်စီကို လေကြောင်းရန်ကာကွယ်ရေးပစ္စည်းရောင်း

အိန္ဒိယနိုင်ငံ Bharat Electronics Limited (BEL) ကုမ္ပဏီက၊ မြန်မာစစ်ကောင်စီက ဝယ်ထားတဲ့ အဝေးထိန်း စနစ်နဲ့ လေကြောင်းရန်ကာကွယ်ရေးပစ္စည်းတွေကို ပြီးခဲ့တဲ့ ဇူလိုင်လက လွှဲပြောင်းပေးအပ်လိုက်တယ်လို့ အိန္ဒိယကလာတဲ့သတင်းတစ်ပုဒ်မှာ မနေ့က ဖော်ပြထားပါတယ်။

အဲဒီ BEL ကုမ္ပဏီက အိန္ဒိယစစ်တပ်လက်အောက်ခံဖြစ်တယ်လို့ဆိုပါတယ်။ အခုလို မြန်မာစစ်တပ်ကဝယ်တဲ့ အဝေးထိန်းပစ္စည်း လွှဲပြောင်းပေးလိုက်တယ်ဆိုတဲ့အကြောင်းကို အမေရိကန်ပြည်ထောင်စု နယူးယောက်မြို့ အခြေစိုက် ကမ္ဘာလုံးဆိုင်ရာ အချက်အလက်ရောင်းဝယ်ရေး Panjiva ကုမ္ပဏီရဲ့ သတင်းရင်းမြစ်အရလို့ ဆိုပါတယ်။

အိန္ဒိယ BEL ကုမ္ပဏီက၊ မြန်မာနိုင်ငံက Mega Hill General Trading Co. ကနေတဆင့် အဲဒီပစ္စည်းတွေကို လွှဲပေးတာလို့လည်း သတင်းထဲမှာရေးထားပါတယ်။ ဒီအကြောင်းကို Justice for Myanmar အဖွဲ့က ဖော်ထုတ်ပြောဆိုထားတာဖြစ်သလို၊ BEL ကုမ္ပဏီကို ဆက်သွယ်မေးမြန်းပေမယ့် အကြောင်းမပြန်ဘူး လို့လည်း ဖော်ပြထားပါတယ်။