မီးလောင်ဒဏ်ရာရ သံဃာတော် ဆေးကုသ ရန် ထိုင်းနိုင်ငံသို့ ထွက်ခွာ
2012.12.13
လက်ပံတောင်းတောင် သပိတ်စခန်းဖြိုခွင်းမှုမှာ ဒဏ်ရာအပြင်းအထန်ရရှိခဲ့တဲ့ ဆရာတော် ဦးသိက္ခဉာဏကို ထိုင်းနိုင်ငံမှာ ဆေးကုသဖို့ ရန်ကုန်အပြည်ပြည်ဆိုင်ရာလေဆိပ်ကို သယ်ဆောင်သွားနေစဉ်
မန္တလေးဆေးရုံမှာ ဆေးဝါးကုသမှုခံယူနေကြတဲ့ ဒဏ်ရာဆိုးဝါးတဲ့ သံဃာတော်တွေထဲက သံဃာတော် ၅ပါးဟာ ထိုင်းနိုင်ငံကို ဆေးဝါးကုသဖို့ စီစဉ်နေကြပြီး၊ အဲ့ဒီအထဲကမှ ဆရာတော်ဦးသိက္ခဉာဏက ပထမဆုံး ဘန်ကောက်ဆေးရုံကို ထွက်ခွာသွားတဲ့ သံဃာတော်ဖြစ်ပါတယ်။
ထိုင်းနိုင်ငံက ဘန်ကောက်ဆေးရုံကြီးမှာ ဆေးဝါးကုသမှုခံယူဖို့အတွက် အာမခံငွေ ဘတ်တစ်သန်း ပေးသွင်းရမှာဖြစ်ပြီး ကုန်ကျစရိတ်တွေအတွက် လက်ပံတောင်းတောင်အရေး စုံစမ်းရေးကော်မရှင်၊ လူမှုအဖွဲ့အစည်း၊ ဘာသာရေးအဖွဲ့အစည်း၊ နိုင်ငံရေးပါတီတွေနဲ့ စေတနာရှင်တွေက လှူဒါန်းကြတယ်လို့ ဆရာတော်ဦးသိက္ခဉာဏရဲ့သားဖြစ်တဲ့ ဒေါက်တာနေသူရိန်က RFA ကို ပြောပါတယ်။
ထိုင်းနိုင်ငံ ဘန်ကောက်ဆေးရုံကြီးမှာ ဆေးဝါးကုသဖို့အတွက် ဆရာတော် ဦးသိက္ခဉာဏနဲ့အတူ သားဖြစ်သူ ဒေါက်တာနေသူရိန်၊ သမီးဖြစ်သူ ဒေါ်မေသန္တာခိုင်၊ မန္တလေးဆေးရုံအုပ်ကြီး ဒေါက်တာ ဦးဝင်းတို့ လိုက်ပါသွားမှာဖြစ်တယ်လို့ သိရပါတယ်။
ဆရာတော်ဦးသိက္ခဉာဏကို ၈၈ မျိုးဆက်ကျောင်းသားခေါင်းဆောင်တွေ ဖြစ်ကြတဲ့ စမ်းချောင်းကိုကိုကြီး၊ ကိုဗသက်အောင်၊ ကိုပြုံးချိုနဲ့ မုံရွာမြို့နယ် ဗကသအဖွဲ့ဝင်တချို့ဟာ ရန်ကုန်အပြည်ပြည်ဆိုင်ရာလေဆိပ်ကို လိုက်ပါပို့ဆောင်ခဲ့ကြပါတယ်။
ဖတ်ရှုသူအများဆုံး သတင်းများ။
RFA
ဖတ်ရှုသူအများဆုံး သတင်းများ။
သတင်းများ
- မေလကုန်အထိ အပစ်ရပ်သက်တမ်းတိုးကြောင်း စစ်ကောင်စီကြေညာ
- မအောင်မြင်တဲ့ ငြိမ်းချမ်းရေးဆွေးနွေးပွဲအပြီး TNLA ထိန်းချုပ်ဒေသ ဗုံးကြဲခံရ
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၃ ရက်)
- ငလျင်ဘေးကာလ လေကြောင်းတိုက်ခိုက်မှုတွေကြောင့် ပြည်သူ ၂၇၀ ကျော် သေဆုံးကြောင်း NUG ထုတ်ပြန်
- ငလျင်ကြောင့် သေဆုံးသူအရေအတွက် ဆက်လက်မြင့်တက်နေ