ကေအိုင်အေက လမ်းခရီးသတိပေးချက် ထုတ်ပြန်

"တနိုင်းမြို့နယ်ဘက်မှာ တိုက်ပွဲတွေရှိတဲ့အခါကျတော့ ပြည်သူလူထုရဲ့ သွားလာရေး လုံခြုံရေးကိုလည်း စိုးရိမ်ရတဲ့အခြေအနေရှိတယ်၊ အဲဒါကြောင့် အချိန်မတော်တဲ့အချိန်မှာ သွားလာဖြတ်သန်းတာတွေ ကြိုတင်ကာကွယ်တဲ့ သဘောမျိုးနဲ့ အသိပေးတဲ့စာတွေထုတ်တယ်။ အဲဒါက အားလုံးက ဆက်စပ်နေလို့ တနိုင်းမြို့နယ်နဲ့ ကာမိုင်းမြို့နယ်က ဆက်စပ်နေလို့ပါ။"

ခရီးသွားတွေအနေနဲ့ မနက် ၆ နာရီကနေ ည ၇ နာရီအတွင်းသာ အဲဒီလမ်းတွေကို ဖြတ်သန်းသွားလာဖို့နဲ့ သတ်မှတ်ချိန်ကျော်လွန်ပြီး သွားလာတာကြောင့် ဖြစ်လာမယ့်ကိစ္စတွေအပေါ် ကေအိုင်အေတပ်ရင်း(၆)အနေနဲ့ တာဝန်ခံမှာ မဟုတ်ဘူးလို့လည်း ကြေညာချက်မှာ ရေးသားထားပါတယ်။

အခုလ ၃ ရက်နေ့က စတင်ပြီး ကချင်ပြည်နယ် တနိုင်းမြို့နယ်အတွင်း တပ်မတော်က နယ်မြေရှင်းရေး လုပ်ဆောင်နေတာကြောင့် ကေအိုင်အေနဲ့ အစိုးရတပ်မတော်တို့ကြား တိုက်ပွဲတွေ ပြန်လည်ဖြစ်ပွားလာတာ လို့ ကေအိုင်အေရဲ့ ပြန်ကြားရေးတာဝန်ခံ ဒုတိယဗိုလ်မှူးကြီးနော်ဘူ ကပြောပါတယ်။

အစိုးရတပ်မတော်ဘက်ကလည်း နယ်မြေရှင်းလင်းရေးဆောင်ရွက်ဖို့ရှိတာကြောင့် တနိုင်းမြို့နယ်အတွင်းက ရွှေနဲ့ ပယင်းထွက်တဲ့ ထန်းပလား၊ ဝမ်းပလာ၊ အောင်လွတ်၊ တုံမဏီ၊ ချောင်းဆုံ၊ နန်ဗြူ၊ ဂျာအောင်ဘာ၊ ဇီးဖြူကုန်း ၊ ညောင်ပင်ကုန်းနဲ့ နမ့်ကွမ်းမှော်တွေက လုပ်သားတွေကို အခုလ ၁၅ ရက်နေ့ နောက်ဆုံးထားထွက်ခွါပေးဖို့ အကြောင်းကြားစာတွေကို ပြီးခဲ့တဲ့ရက်ပိုင်းမှာ ဖြန့်ဝေထားပါတယ်။