ဒဂုံအရှေ့မှာ ဆောက်လက်စတိုက်ပြိုကျပြီး အလုပ်သမားအချို့ပိတ်မိနေ
2021.10.15
ဒဂုံမြို့သစ်(အရှေ့)ပိုင်းမှာ ဆောက်လုပ်ဆဲ အဆောက်အအုံ ပြိုကျတာကြောင့် ၂၀၂၁ အောက်တိုဘာ ၁၅ ရက်နေ့က ကူညီကယ်ဆယ်ရေး ဆောင်ရွက်ခဲ့ကြစဉ်
Photo: Myanmar Fire Services Department
ရန်ကုန်တိုင်း၊ ဒဂုံမြို့သစ်အရှေ့ပိုင်းမြို့နယ် ၊ ၆ ရပ်ကွက် မေယုလမ်းထိပ်က ဆောက်လုပ်စတိုက်တစ်လုံး အောက်တိုဘာလ ၁၅ ရက် ဒီနေ့ မနက် ၉ နာရီခွဲမှာ ပြိုကျခဲ့ပြီး အနည်းဆုံး ၁၀ ဦးခန့် ပိတ်မိနေတယ်လို့ ဒေသခံတွေက ပြောပါတယ်။
အဲဒီတိုက်ဆောက်လုပ်နေတဲ့နေရာမှာ ကလေးငယ်နဲ့ မိသားစု တစ်စု အပါအဝင် အလုပ်သမား ၁၂ ဦးရှိပြီး လေးဦးကိုတော့ အသက်မသေဘဲ ပြန်တွေ့ထားပေမယ့် သေဆုံးသူတွေရှိနိုင်တယ်လို့ ဒေသခံတွေက ဆိုပါတယ်။
အဆောက်အဦဟာ Steel Structure လို့ခေါ်တဲ့ သံမဏီနဲ့ ဆောက်လုပ်တဲ့ပုံစံဖြစ်ပြီး ဘာကြောင့် ပြိုကျသွားလဲဆိုတာကိုတော့ တိတိကျကျ မသိရသေးပါဘူး။
မြန်မာနိုင်ငံ မီးသတ်တပ်ဖွဲ့ကတော့ လက်ရှိ ရှာဖွေကယ်ဆယ်ရေးလုပ်ငန်းတွေ လုပ်ဆောင်နေပြီး ၁၀ နာရီခန့်အထိ သုံးဦးကို အသက်ရှင်လျှက်ပြန်လည် ကယ်ထုတ်နိုင်ခဲ့တယ်လို့ ထုတ်ပြန်ထားပါတယ်။
ဖတ်ရှုသူအများဆုံး သတင်းများ။
RFA
ဖတ်ရှုသူအများဆုံး သတင်းများ။
သတင်းများ
