လဝန်းထက်သာစက်ရုံ အလုပ်သမားတွေ နစ်နာကြေးတောင်း

ရန်ကုန်တိုင်းဒေသကြီး လှိုင်သာယာမြို့နယ် ရွှေလင်ဗန်းစက်မှုဇုံမှာရှိတဲ့ လဝန်းထက်သာ အထည်ချူပ်စက်ရုံက အလုပ်သမားတွေ အလုပ်ထုတ်ခံလိုက်ရတာကြောင့် အလုပ်ထုတ်နစ်နာကြေးရရှိဖိုကို ဒီကနေ့ ဆန္ဒပြတောင်းဆို ခဲ့ကြပါတယ်။

အလုပ်ရှင်ဘက်က အလုပ်ထုတ်နစ်နာကြေးနဲ့ နိုတစ်ကြေးကိုပေးဖို့ ချိန်းတဲ့ရက်ကို မစောင့်ဆိုင်းနိုင်တာကြောင့် ဆန္ဒပြရတာဖြစ်တယ်လို့ အလုပ်သမားအခွင့်အရေးလှုပ်ရှားသူများအဖွဲ့က ကိုဝေလင်း က ပြောပါတယ်။

"အလုပ်ရပ်နားခြင်းခံရတဲ့ ဝန်ထမ်း ၈၅ ဦးပေါ့နော်၊ အလုပ်ထုတ် နစ်နာကြေးရယ်၊ ကြိုတင်အကြောင်း ကြားခြင်းမရှိပဲနဲ့ အလုပ်ရပ်နားတဲ့အတွက် နို့တစ်ကြေး အဲ့ဒီအကြောင်းအရာ နှစ်ခုကို အမြန်ဆုံးရရှိဖို့ အတွက်ပေါ့နော်၊ အဲ့ဒါနဲ့ပတ်သက်ပြီးတော့ မနက်က ကျနော်တို့ စီတန်းလှည့်လည် လမ်းလျှောက်တာပေါ့၊ ကျနော်တို့ အလုပ်ထုတ်နစ်နာကြေးနဲ့ နို့တစ်ကြေးကို ၈ လပိုင်း ၁ဝ ရက်မှာ လုပ်ငန်းပိုင်ရှင်ဘက် က ပေးမယ်လို့ ပြောတယ်ခင်ဗျ၊ ကျနော်တို့က အဲ့ရက်အထိ မစောင့်နိုင်ဘူး၊ ကျနော်တို့က အမြန်လိုချင် တယ်၊ ဝန်ထမ်းတွေရဲ့ စားဝတ်နေရေး အခက်အခဲရှိတယ်"