ကျောက်မိုင်းကုမ္ပဏီ ပိတ်သိမ်းပေးဖို့ ပေါင်မြို့နယ်မှာ ဆန္ဒပြ

"ကျောက်မိုင်းကုမ္ပဏီဟာ သက်တမ်းကုန်ဆုံးပါလျက် ဆက်လက်လုပ်ဆောင်နေတဲ့အတွက် ဌာနဆိုင်ရာ က အရေးမယူလို့ ကျနော်တို့ ဒုတိယအကြိမ် ဆန္ဒထပ်ပြရခြင်းဖြစ်ပါတယ်၊ ကျောက်မိုင်းရပ်တန့် ဖို့ ကျောက်မိုင်းကို ဖိအားပေးသလို ကျောက်မိုင်းကို အရေးယူဖို့ ဌာနဆိုင်ရာကို ဖိအားပေးတာပါ" လို့ ကိုဇော်ထွေး က ပြောတာဖြစ်ပါတယ်။

ဆန္ဒပြသူတွေဟာ ကျေးရွာတပတ်လမ်းလျောက်ပြီး Long Life Aggregate Mining ကုမ္ပဏီရှေ့မှာ ဆန္ဒပြပွဲကို အဆုံးသတ်ခဲ့ပါတယ်။

အဲဒီကုမ္ပဏီဟာ ပြီးခဲ့တဲ့ ဇွန်လကတည်းက သက်တမ်းကုန်ဆုံးတာဖြစ်ပေမယ့် ဒီနေ့အထိ ကျောက်မိုင်းတူးဖော်နေ ဆဲဖြစ်တယ်လို့ ဒေသခံတွေက ပြောပါတယ်။

အဲဒီကျောက်မိုင်းကြောင့် ရေချောင်းတွေပျက်စီးတာ၊ ဥယျာဉ်ခြံတွေပျက်စီးတာ၊ လယ်တွေပျက်စီးတာကြောင့် ဒေသ ခံတွေဟာ ကျောက်မိုင်းကုမ္ပဏီကို ပိတ်သိမ်းပေးဖို့ ဆန္ဒပြတောင်းဆိုခဲ့ဖူးပါတယ်။

Long Life Aggregate Mining ကုမ္ပဏီဟာ လွန်ခဲ့တဲ့ ၂၀၁၄ ခုနှစ်ကတည်းက ဥတ္တံတားကျေးရွာအနီးက ကုလားမတောင်မှာ ကျောက်မိုင်းထုတ်လုပ်နေတာဖြစ်ပါတယ်။