မကွေးမှာ လေပြင်းကြောင့် အိမ်ခြေ ၂၀၀ ကျော်ပျက်စီး

"မကွေးမြို့ရဲ့ကမ်းနားလမ်းတဝိုက်မှာရှိတဲ့ ရပ်ကွက်တွေဖြစ်တဲ့၊ မြို့မရပ်ကွက်တို့ မြို့ဟောင်းရပ်ကွက်တို့၊ ဆုံရပ်ကွက်တို့ မြသလွန်ရဲ့ ခြေရင်း အနီးမှာရှိနေတဲ့ ရွာလေးတွေပေါ့၊ အဲ့လို့နေရာတွေမှာ အဓိကဖြစ်သွား တာ၊ သစ်ပင်အကြီးတော်တော်များများတော့ လမ်းတွေ ပိတ်ဆို့အောင် လဲသွားတာ၊ ဓာတ်တိုင်တွေ လဲသွားတာ၊ မီးကြိုးတွေ ပြတ်သွားတာရှိတယ်၊ အဓိကအားဖြင့် အမိုးလန်တဲ့ အိမ်တွေက ရာနဲ့ချီပြီးရှိတယ်၊ ယာဉ်တစ်စီးပေါ်ကို သစ်ပင်လဲပြိုကျတယ်၊ အိမ်လည်းပိတယ်၊ ကားလည်းပျက်စီးသွားတယ်၊ ဒါမျိုးတွေလည်းရှိတယ်"

လေပြင်းကြောင့် လူတစ်ယောက် ဒဏ်ရာရရှိသွားတယ်လို့လည်း ပြောပါတယ်။

မကွေးတိုင်းအစိုးရအဖွဲ့အနေနဲ့ ပြိုလဲခဲ့တဲ့ သစ်ပင်တွေကို ခုတ်ထွင်ရှင်းလင်းတာ၊ လျှပ်စစ်ဓာတ်ကြိုးတွေ ရှင်းလင်း ပြီး လျှပ်စစ်မီး ပြန်ရဖို့ဆောင်ရွက်တာနဲ့ ပျက်စီး ခဲ့တဲ့ အိမ်တွေကို ထောက်ပံ့ဖို့ စီစဉ်ဆောင်ရွက်နေတယ်လို့ သိရပါတယ်။

မကွေးတိုင်းဒေသကြီးအတွင်းမှာ ဒီနှစ်အတွင်းဖြစ်ပွားခဲ့တဲ့ လေပြင်းတိုက်ခတ်မှုတွေကြောင့် ဂန့်ဂေါ ၊ ထီးလင်း၊ ပခုက္ကူ၊ ကံမ စတဲ့ မြို့နယ်တွေမှာ လူနေအိမ်ပေါင်း ထောင်နဲ့ချီကာ ပျက်စီးဆုံးရှုံးမှုတွေ ဖြစ်ပွားခဲ့တယ်လို့ တိုင်းအစိုးရအဖွဲ့ကနေ သိရပါတယ်။