မောင်တောအကြမ်းဖက်မှုမှာ လူပေါင်း ၂၃၀ ကျော်ကို ဖမ်းမိ ထားကြောင်း တပ်မတော်သတင်း ထုတ်ပြန်

ဒါ့အပြင် ဝါးပိတ်၊ ကြက်ရိုးပြင်၊ ငါးခူရ၊ မြင်းလွတ်၊ ဒါးကြီးစား၊ ဂွဆုံ၊ ပွင့်ဖြူချောင်း စတဲ့ကျေးရွာတွေမှာ နေအိမ်နဲ့ အဆောက်အဦးပေါင်း ၂၇၀ ကျော် မီးလောင်ပျက်စီးခဲ့ပြီး အောက်တိုဘာလ ၉ ရက်နေ့ကနေ မနေ့ကအထိ တိုက်ပွဲပေါင်း ၉ ကြိမ်၊ ပစ်ခတ်ဖမ်းဆီးမှု ၉ ကြိမ်၊ ကားမိုင်းဖောက်ခွဲခံရမှု ၃ ကြိမ်အထိ ရှိခဲ့တယ်လို့ ပါရှိပါတယ်။

ဖမ်းဆီးရမိသူ ၂၃၀ ကျော်ကို မြန်မာနိုင်ငံ ရဲတပ်ဖွဲ့ထံလွှဲပြောင်းစစ်ဆေးခဲ့ပြီး အဲဒီအထဲက ၂၉ ဦးကို ပြစ်ဒဏ်တွေ ချမှတ်ခဲ့သလို သက်ဆိုင်ခြင်းမရှိတဲ့ ၂၃ ဦးကို ပြန်လွှတ်ပေးခဲ့တယ်လို့လည်း ဖော်ပြထားပါတယ်။

ဒီဖြစ်စဉ်တွေအတွင်း တပ်မတော်ဘက်က စစ်ကြောင်းမှူးအပါအဝင် အရာရှိနဲ့ စစ်သည် ၇ ဦး သေဆုံးခဲ့ရသလို အရာရှိနဲ့စစ်သည် ၅ ဦး ဒဏ်ရာရရှိခဲ့ပါတယ်။ မြန်မာနိုင်ငံရဲတပ်ဖွဲ့ကလည်း ရဲတပ်ဖွဲ့ဝင် ၁၀ ဦး သေဆုံးခဲ့ရသလို ၆ ဦး ဒဏ်ရာရရှိခဲ့ပါတယ်။