စစ်ကောင်စီတပ်ဖွဲ့ဝင်တွေ ပြစ်ဒဏ်ကင်းလွတ်နေတယ်လို့ အမေရိကန်ပြော
( ၂၀၂၁ ခုနှစ်၊ မတ်လ ၂ ရက်နေ့က ထိုင်းနိုင်ငံ၊ ဘန်ကောက်မြို့မှာ စစ်အာဏာသိမ်းမှုကို ကန့်ကွက်ဆန္ဒပြခဲ့သူတွေကို တွေ့ရစဉ်။)
Photo:AFP
မြန်မာစစ်ကောင်စီတပ်ဖွဲ့ဝင်တွေဟာ လူ့အခွင့်အရေးချိုးဖောက်ပြီး အပြစ်ကလွတ်ကင်းနေတယ်လို့ အမေရိကန်နိုင်ငံခြားရေးဝန်ကြီးဌာနက မနေ့ကဝေဖန်လိုက်ပါတယ်။
၂၀၂၁ ခုနှစ်အတွက် နိုင်ငံတွေကျင့်သုံးနေတဲ့ လူ့အခွင့်အရေးဆိုင်ရာအစီရင်ခံစာမှာ ထည့်သွင်းပြောလိုက်တာပါ။
ဥပဒေအပြင်ကနေ သတ်ဖြတ်တာတွေ၊ ညှင်းပန်းနှိပ်စက်တာတွေ၊ လူသားချင်းမစာနာပြုမူတာတွေအပါအဝင် စစ်ကောင်စီကျူးလွန်တဲ့ လူ့အခွင့်အရေးချိုးဖောက်မှုတွေကို ယုံကြည်စိတ်ချရတဲ့ အစီရင်ခံစာတွေနဲ့တကွ ဖော်ပြပါတယ်။
ကလေးစစ်သားစုဆောင်းတာ၊ သတင်းသမားတွေကို အကြမ်းဖက်ခြိမ်းခြောက်တာ၊ တရားမဲ့ဖမ်းဆီးတာ အပါအဝင် သတင်းလွတ်လပ်ခွင့်တွေ ကန့်သတ်တာ၊ ငြိမ်းချမ်းစွာစုဝေးခွင့်တားမြစ်ခံရတာ၊ ဘာသာရေး လွတ်လပ်ခွင့်ကို အနှောင့်အယှက်ပေးတာနဲ့ တခြားလူ့အခွင့်အရေးချိုးဖောက်မှုတွေကို အစီရင်ခံစာမှာ ထည့်သွင်းပြောထားပါတယ်။
တိုင်းရင်းသားလူနည်းစုတွေကို ပစ်မှတ်ထားတာ၊ အလုပ်သမားအဖွဲ့အစည်းတွေကို တင်းကျပ်တာ၊ ကလေးလုပ်သား အသုံးပြုတာတွေကိုလည်း ထောက်ပြထားပါတယ်။
ဒီလိုလူ့အခွင့်အရေးချိုးဖောက်မှုမှာတာဝန်ရှိသူတွေကို အပြစ်ပေးအရေးယူတဲ့ သတင်းမရရှိဘဲ ဒီလူတွေ ပြစ်ဒဏ်ကလွတ်မြောက်နေတယ်လို့လည်း ပြောပါတယ်။
တဆက်တည်းမှာလည်း တချို့တိုင်းရင်းသားလက်နက်ကိုင်အဖွဲ့တွေနဲ့ တချို့ PDF ပြည်သူ့ကာကွယ်ရေးတပ်ဖွဲ့တွေ၊ အဖွဲ့ဝင်တွေလည်း လူ့အခွင့်အရေးချိုးဖောက်တာတွေရှိတယ်လို့ အစီရင်ခံစာက ထောက်ပြပါတယ်။
ဖတ်ရှုသူအများဆုံး သတင်းများ။
သတင်းများ
- မေလကုန်အထိ အပစ်ရပ်သက်တမ်းတိုးကြောင်း စစ်ကောင်စီကြေညာ
- ဝါရင့် ရခိုင်နိုင်ငံရေးသမား ဦးဦးလှစော ကွယ်လွန်
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၆ ရက်)
- KNA ခေါင်းဆောင် စောချစ်သူ နဲ့ သားနှစ်ဦးကို အမေရိကန် ပိတ်ဆို့အရေးယူ
- ငလျင်ဘေးကာလ လေကြောင်းတိုက်ခိုက်မှုတွေကြောင့် ပြည်သူ ၂၇၀ ကျော် သေဆုံးကြောင်း NUG ထုတ်ပြန်