ခင်ဦးမြို့နယ်မှာ စစ်ကောင်စီသတင်းပေးအဖြစ် စွပ်စွဲခံထားရသူ ဓားဒဏ်ရာနဲ့သေဆုံး
စစ်ကိုင်းတိုင်း ခင်ဦးမြို့နယ် ရွာသန်းကျေးရွာကို တွေ့ရစဉ်
Photo: CJ
စစ်ကိုင်းတိုင်း ခင်ဦးမြို့နယ် ရွာသန်းကျေးရွာက စစ်ကောင်စီသတင်းပေးလို့ စွပ်စွဲခံထားရသူ ဦးအုန်းမြိုင်ဟာ ဒီနေ့ ဇူလိုင် ၆ ရက် မနက်ပိုင်းမှာ ဓားဒဏ်ရာနဲ့ သေဆုံးခဲ့တယ်လို့ လုံခြုံရေးအရ အမည်မဖော်လိုတဲ့ ဒေသခံတစ်ယောက်က RFA ကို ပြောပါတယ်။
“မနက် ၉ နာရီ ၄၀ မိနစ်လောက်မှာ ကျွန်တော် သတင်းရတယ်ပေါ့ဗျာ။ သူအသတ်ခံရပြီး မကြာဘူး စစ်ကားတွေ ရောက်လာတယ်”
သေဆုံးခဲ့သူ ဦးအုန်းမြိုင်ဟာ အသက် ၆၃ နှစ်အရွယ်ရှိပြီး ပျူစောထီး အဖွဲ့ဝင်တစ်ဦးဖြစ်ပြီး သေနတ်ပါ ကိုင်ဆောင်ထားတယ်လို့ ဒေသခံတွေက ပြောကြပေမယ့်လည်း အတည်ပြုလို့မရသေးပါဘူး။
စစ်ကောင်စီတပ်ဖွဲ့ဝင်တွေ ရောက်လာပြီးတဲ့နောက် ဖမ်းဆီးစစ်ဆေးတာတွေ လုပ်နေလို့ ရွာသန်းရွာက လူတချို့ဟာ ထွက်ပြေးတိမ်းရှောင်နေရတယ်လို့လည်း ဒေသခံတစ်ယောက်က ပြောပါတယ်။
ခင်ဦးမြို့နယ်မှာ စစ်ကောင်စီရဲ့အုပ်ချုပ်ရေးမှူးနဲ့ သတင်းပေးဆိုသူတွေ အသတ်ခံရတာဟာ ဒါနဲ့ဆို ၁၀ ကြိမ်ဝန်းကျင်ရှိနေပြီး တချို့အုပ်ချုပ်ရေးမှူးတွေကတော့ ရွာကနေတိမ်းရှောင်နေကြတယ်လို့ ဒေသခံတွေဆီက သိရပါတယ်။
ဖတ်ရှုသူအများဆုံး သတင်းများ။
RFA
ဖတ်ရှုသူအများဆုံး သတင်းများ။
သတင်းများ
- မေလကုန်အထိ အပစ်ရပ်သက်တမ်းတိုးကြောင်း စစ်ကောင်စီကြေညာ
- ထိုင်း-မြန်မာ နယ်စပ်က ဒုက္ခသည် တစ်သိန်းကျော် အငတ်ဘေးနဲ့ ကြုံနေရ
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၆ ရက်)
- ဝါရင့် ရခိုင်နိုင်ငံရေးသမား ဦးဦးလှစော ကွယ်လွန်
- ငလျင်ဘေးကာလ လေကြောင်းတိုက်ခိုက်မှုတွေကြောင့် ပြည်သူ ၂၇၀ ကျော် သေဆုံးကြောင်း NUG ထုတ်ပြန်