ကနီနဲ့ မင်းကင်းမှာ ဝါဒဖြန့်စာရွက်တွေ ရဟတ်ယာဉ်ပေါ်ကနေ ကြဲချ

2021.12.01
ကနီနဲ့ မင်းကင်းမှာ ဝါဒဖြန့်စာရွက်တွေ ရဟတ်ယာဉ်ပေါ်ကနေ ကြဲချ စစ်ကိုင်းတိုင်း ကနီနဲ့ မင်းကင်းမြို့နယ်မှာ ၂၀၂၁ နိုဝင်ဘာလ ၃၀ ရက်က စစ်ရဟတ်ယာဉ်ပေါ်ကနေ ကြဲချခဲ့တဲ့ ဝါဒဖြန့်စာရွက်ကို တွေ့ရစဥ်
Photo: CJ
စစ်ကိုင်းတိုင်း ကနီနဲ့ မင်းကင်းမြို့နယ်ထဲ နိုဝင်ဘာလ ၃၀ ရက် မနေ့က ဒေသခံကာကွယ်ရေးတပ်ဖွဲ့ PDF တွေနဲ့ ပတ်သက်တဲ့ ဝါဒဖြန့်ရေးသားထားတဲ့ စာရွက်တွေကို စစ်တပ်က ရဟတ်ယာဉ်ပေါ်ကနေ ကြဲချခဲ့တယ် လို့ ဒေသခံတွေက ပြောပါတယ်။
 
ရဟတ်ယာဉ် သုံးစီး ပျံဝဲခဲ့ပြီး စာရွက်တွေကျဲချခဲ့တာလို့ လုံခြုံရေးအရ အမည်မဖော်လိုတဲ့ ကနီမြို့နယ်က ဒေသခံတစ်ယောက်က ပြောပါတယ်။
 
"စာထဲမှာ PDF က အကြမ်းဖက်အဖွဲ့ဖြစ်ကြောင်း၊ PDF ကို မထိန်းသိမ်းနိုင်ရင် ကျေးရွာတွေကို စုစည်းရွာ အနေနဲ့လုပ်သွားမယ်၊ ကျောင်းတွေမီးရှို့တာ NLD ထောက်ခံသူတွေက လုပ်တယ်ဆိုတာမျိုး အစုံပဲရေး ထားတာ။ ဘုရားဖူးတွေကိုလည်း မိုင်းတွေတိုက်တာလည်း သူတို့ပဲပေါ့၊ ဒါတွေက ပြောင်းပြန်တွေ ပြော တာပေါ့၊ အကုန်လုံး သူတို့လုပ်တာ။ ပြည်သူတွေက နားလည်ပါတယ်"
 
အရင်က ရဟတ်ယာဉ်ပေါ်ကနေ စာရွက်တွေကြဲချတာမျိုး တစ်ခါမှမရှိခဲ့ဘူးလို့လည်း ဆိုကြပါတယ်။
 
ကနီနယ်နဲ့ မင်းကင်းမြို့နယ်တို့မှာ စစ်ကောင်စီနဲ့ ဒေသခံ PDF တပ်ဖွဲ့တို့ နေ့စဉ်နီးပါး တိုက်ပွဲဖြစ်ပွားနေ တာကြောင့် ဝါးချောင်းလေး၊ ရွာသာ၊ နတ်ကြီး စတဲ့ ရွာပေါင်း ၁၀ ရွာလောက်က ဒေသခံတွေဟာ နီးစပ်ရာ ရွာတွေမှာ ထွက်ပြေးပုန်းရှောင်နေကြရတယ်လို့ ဒေသခံတွေက ပြောပါတယ်။
ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။