ဂွမြို့နယ်မှာ မုန်တိုင်းကြောင့် အိမ် ၇၀ ကျော် ပျက်စီး
2023.05.15
ရခိုင်ပြည်နယ် ဂွမြို့နယ်၊ ရွှေဦးကွင်းကျေးရွာတွင် မုန်တိုင်းကြောင့် ပျက်စီးခဲ့သည့် နေအိမ်များအား ၂၀၂၃ ခုနှစ် မေလ ၁၅ ရက်နေ့က တွေ့ရစဉ်။
Citizen Journalist
ရခိုင်ပြည်နယ် ဂွမြို့နယ်၊ ရွှေဦးကွင်း ကျေးရွာမှာ မုန်တိုင်းကြောင့် လူနေအိမ် ၇၀ ကျော် ပျက်စီးခဲ့တယ်လို့ ရွှေဦးကွင်း ဒေသခံ ကိုစိုးက RFA ကို ဒီနေ့ ပြောပါတယ်။
“ဂွမှာက ကျနော်တို့ ရွှေဦးကွင်း တစ်ရွာတည်းထိတာ။ အိမ်ခြေက ၇၀ ကျော် ပျက်စီး သွားတယ်။ လူတွေတော့ ထိခိုက်မှု မရှိဘူး။ မုန်တိုင်းက မေလ ၁၄ ရက်နေ့ ညဦး ၁၀ နာရီလောက်ကစပြီး တိုက်တာပေါ့။ အခုလောလောဆယ် ကျန်းမာရေးစောင့်ရှောက်မှု လာလုပ်ပေးနေတယ်။ ဂွမြို့ အရန်မီးသတ်အဖွဲ့တွေလည်း ရောက်နေတယ်”
ရွှေဦးကွင်းရွာမှာ အိမ်ခြေ ၃၅၀ နီးပါးရှိပြီး အိမ်ခြေ ၇၀ ကျော် ပျက်စီးခဲ့တာလို့ သူက ပြောပါတယ်။
လေပြင်းတိုက်ခတ်မှုကြောင့် ဂွမြို့နယ်အတွင်း အရပ်သား ထိခိုက်မှုမရှိဘူးလို့ ဒေသခံတွေက ပြောပါတယ်။
ဂွမြို့ အပါအဝင် မိုခါမုန်တိုင်းဒဏ်ခံခဲ့ရတဲ့ ရခိုင်ပြည်နယ်က မြို့နယ် ၁၇ ခုကို သဘာဝ ဘေးအန္တရာယ်ဆိုင်ရာ စီမံခန့်ခွဲမှု ဥပဒေ ပုဒ်မ ၁၁ အရ သဘာဝဘေးအန္တရာယ် ကျရောက်တဲ့ ဒေသတွေအဖြစ် စစ်ကောင်စီက ထုတ်ပြန်ထားပါတယ်။
ဆိုင်ကလုန်းမုန်တိုင်း မိုခါရဲ့ တိုက်ခတ်မှုကြောင့် တိုင်းနဲ့ ပြည်နယ်တွေမှာ နေအိမ် ၈၆၄ လုံး၊ သာသနိက အဆောက်အအုံ ၁၁ လုံး၊ ဘုန်းတော်ကြီးကျောင်း ၁၆ ကျောင်း၊ စာသင်ကျောင်း ၆၄ ကျောင်း၊ ဆေးရုံ၊ ဆေးခန်း ၁၄ ခု၊ ဆက်သွယ်ရေး တာဝါတိုင် ခုနစ်ခု၊ လမ်းမီးတိုင် ၇၁ တိုင်နဲ့ ဌာနဆိုင်ရာ အဆောက်အအုံ ၃၈ လုံး ပျက်စီးခဲ့တယ်လို့ စစ်ကောင်စီက ထုတ်ပြန်ပါတယ်။
ဖတ်ရှုသူအများဆုံး သတင်းများ။
RFA
ဖတ်ရှုသူအများဆုံး သတင်းများ။
သတင်းများ
- စဉ့်ကူးမြို့နယ်မှာ ဗုံးကြဲတိုက်ခိုက်လို့ တစ်ဦးသေဆုံး၊ လေးဦးဒဏ်ရာရ
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၆ ရက်)
- မေလကုန်အထိ အပစ်ရပ်သက်တမ်းတိုးကြောင်း စစ်ကောင်စီကြေညာ
- ထိုင်း-မြန်မာ နယ်စပ်က ဒုက္ခသည် တစ်သိန်းကျော် အငတ်ဘေးနဲ့ ကြုံနေရ
- ငလျင်ဘေးကာလ လေကြောင်းတိုက်ခိုက်မှုတွေကြောင့် ပြည်သူ ၂၇၀ ကျော် သေဆုံးကြောင်း NUG ထုတ်ပြန်