မော်ချီးဒေသမှာ မြေပြိုနိုင်မှုရှိလို့ အိမ်ခြေ ၅၀၀ ဘေးကင်းရာရွှေ့

ကယားပြည်နယ် ဖားဆောင်းမြို့နယ် မော်ချီးသတ္တုတွင်းတွေမှာ နေထိုင်တဲ့ တောင်ပေါ်ရပ်ကွက်၊ ၁၃ ကုန်းရပ်ကွက် နဲ့ ၁၆ ကုန်းရပ်ကွက်တွေ မှာ နောက်ထပ် မြေပြိုကျမှုတွေ ဖြစ်နိုင်တယ်ဆိုပြီး အိမ်ခြေ ၅၀၀ လောက်ကို ပြည်နယ် အစိုးရက ပြောင်းရွှေ့ပေးဖို့စီစဉ်နေပါတယ်။

ဘူမိဗေဒပညာရှင်တွေရဲ့ လေ့လာတွေ့ရှိချက်အရ ပြောင်းရွှေ့ဖို့ ဆုံးဖြတ်လိုက်တာဖြစ်ပြီး အစားထိုးပေးမယ့် မြေနေ ရာကို သတ်မှတ်ထားပြီးဖြစ်တယ်လို့ ကယားပြည်နယ် စီမံကိန်းနဲ့ ဘဏ္ဍာရေးဝန်ကြီး ဦးမော်မော်က ပြောပါတယ်။

"တောင်ပေါ်မှာ ၆ နေရာကို အန္တရာယ်မကင်းတဲ့ဇုန်ဆိုပြီး သတ်မှတ်လိုက်တယ်၊ ဒီနေရာတွေကတော့ ရာသီဥတုပြင်းထန်ရင် ပြိုနိုင်တယ်ပေါ့နော်၊ ကျန်ခဲ့တုန်းကလည်း အယ်လ်နီညို နောက်ဒီစက်တင်ဘာ ၊ အောက်တိုဘာလောက်မှာ လာနီညာ လာမယ်ဆိုတဲ့အခါကျတော့ ဒီရာသီဥတုကြောင့် ဒုက္ခရောက်နိုင် တယ်ပေါ့နော်"

အိမ်ထောင်စုတွေကို ဘယ်တော့ ပြောင်းရွှေ့မလဲဆိုတာကိုတော့ အစိုးရက မပြောနိုင်သေးဘူးလို့ ပြောပါတယ်။