ပြန်လည်ထူထောင်ရေးအတွက် အဆင်သင့်လို့ ကုလ အဖွဲ့တွေ ကြေညာ

ရခိုင်ပြည်နယ်က ကျေးရွာ ၂၃ ရွာမှာ ပြန်လည်ထူထောင်ရေးအတွက် လေ့လာဆန်းစစ်မှုတွေကို ကွင်းဆင်းစတင်ရန် အဆင့်သင့်ဖြစ်နေပြီလို့ UNHCR ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးနဲ့ UNDP ကုလသမဂ္ဂ ဖွံ့ဖြိုးရေး အစီအစဉ်တွေက ဂျနီဗာမြို့မှာ စက်တင်ဘာလ ၇ ရက်နေ့ မနေ့က ထုတ်ပြန်ကြေညာလိုက်ပါတယ်။

မြန်မာအစိုးရနဲ့ အဲဒီ ကုလအဖွဲ့အစည်း ၂ ခုအကြား နားလည်မှုစာချွန်လွှာလက်မှတ်ထိုးပြီး ၃ လအကြာမှာ အခု လိုကြေညာခဲ့တာဖြစ်ပါတယ်။ အခုပြုလုပ်မယ့် လေ့လာစိစစ်မှုတွေဟာ ကနဦးအဆင့်သာဖြစ်ပြီး ပိုမိုကျယ်ပျံ့စွာ တိုးချဲ့လုပ်ဆောင်ဖွယ်ရှိကြောင်း၊ ကုလဝန်ထမ်းတွေအနေနဲ့ မြန်မာအစိုးရရဲ့ ခွင်ြ့ပုချက်ကိုရရှိတာနဲ့ ပြန်လည် ထူထောင်ရေးလုပ်ငန်းတွေကို ချက်ချင်းစတင်ဆောင်ရွက်ကြမှာဖြစ်ကြောင်း၊ မိမိတို့ ကုလအဖွဲ့အစည်းတွေအနေနဲ့ ဒေသခံ ရခိုင်ပြည်နယ်လူထုရဲ့ယုံကြည်မှုနဲ့ ခင်မင်မှုတွေ ပြန်လည်ရရှိရေးအတွက် မြန်မြန်ဆန်ဆန် ဆောင်ရွက် လိုကြောင်း စသဖြင့် ဂျနီဗာ ကလာတဲ့ ကြေညာချက်မှာ ဖော်ပြထားပါတယ်။