ကမ္ဘာမှာ မြန်မာ သဒ္ဓါတရား အကောင်းဆုံး

ကမ္ဘာ့နိုင်ငံတွေထဲမှာ မြန်မာနိုင်ငံဟာ စေတနာ သဒ္ဓါတရားအကောင်းဆုံး၊ အလှူအတန်း အရက်ရောဆုံးဖြစ်တယ် လို့ လေ့လာချက်တစ်ရပ်က ဆိုပါတယ်။

ဗြိတိန်နိုင်ငံ လန်ဒန်အခြစိုက် The charities Aid Foundation ( CAF ) ခေါ် အဖွဲ့ရဲ့ နိုင်ငံပေါင်း ၁၄၆ နိုင်ငံကို လေ့လာချက်အရ မြန်မာက အလှူအတန်းအရက်ရောဆုံးအဖြစ် စာရင်းရဲ့ ထိပ်ဆုံးမှာရှိနေပြီး၊ အမေရိကန်ပြည်ထောင်စုက ဒုတိယနေရာမှာ ရှိနေပါတယ်။ နယူးဇီလန်က တတိယ၊ ကနေဒါ ကစတုတ္တ၊ သြစတြေးလျက ပဉ္စမနေရာတွေမှာရှိနေကြပါတယ်။

အိန္ဒိယကတော့ အမှတ်စဉ် ၁၀၆ နေရာမှာရှိနေပါတယ်။