တရားမဝင်ရောက်လာတဲ့ တရုတ်နိုင်ငံသား ၁၁ ဦးကို ပြည်နှင်ဒဏ်ပေး


2019.06.13
illegal-chinese-622.jpg တရုတ်အာဏာပိုင်တွေဆီ ပြန်လည်လွှဲပြောင်းပေးမယ့် တရားမဝင်ရောက်လာတဲ့ တရုတ်နိုင်ငံသား ၁၁ ဦးကို တွေ့ရစဉ်
Photo: Ah Si Phe Htwe
အသံဖိုင် နားဆင်ရန်နှင့် ရယူရန်
နားထောင်ရန် အသံဖိုင်ယူရန်

ကချင်ပြည်နယ် တရုတ်-မြန်မာနယ်စပ် ဆဒုံးမြို့မှာ တရားမဝင်ရောက်လာတဲ့ တရုတ်နိုင်ငံသား ၁၁ ဦးကို လဝက အက် ၁၃ (၁) နဲ့ အရေးယူပြီး ဒီကနေ့ တရုတ်အာဏာပိုင်တွေဘက်ဆီကို ပြည်နှင်ဒဏ်အဖြစ် လွှဲပြောင်းပေး လိုက်ပါတယ်။

ပြီးခဲ့တဲ့ မေလ ၂၆ ရက်နေ့က သူတို့ကို ဆဒုံးမြို့ပူးပေါင်းစစ်ဆေးရေးဂိတ်မှာ ဖမ်းဆီးရမိခဲ့ပြီး တရားမဝင် ဝင်ရောက်လာမှု လဝက အက် ၁၃ (၁) နဲ့ ဝိုင်းမော်မြို့နယ်တရားရုံးမှာ အမှုဖွင့်ပြီး ဖမ်းဆီးချုပ်နှောင်ထားတာ ဖြစ်ပါတယ်။

မေလ ၃၀ ရက်နေ့မှာ ဝိုင်းမော်မြို့နယ်တရားရုံးက တစ်ဦးကို ဒဏ်ငွေ ကျပ် ၅ သိန်းစီပေးဆောင်စေဖို့ အမိန့် ချမှတ်ခဲ့ပါတယ်။

ဖမ်းဆီးရမိချိန်ကစပြီး ဝိုင်းမော်အချုပ်စခန်းမှာ ဖမ်းဆီးချုပ်နှောင်ထားရာကနေ ပြည်နယ်အစိုးရအဖွဲ့ရဲ့အမိန့်နဲ့ ဒီကနေ့ ကန်ပိုင်တီကနေတဆင့် တရုတ်အာဏာပိုင်တွေဆီ ပြည်နှင်ဒဏ်အဖြစ်နဲ့ လွှဲပြောင်းပေးလိုက်တာလို့ သိရပါတယ်။

ဒီသတင်းကို RFA သတင်းထောက် မအဲလိဇဘက်ဂျန်မာ ပေးပို့တာပါ။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။