မူးယစ်ဆေးဝါး တိုက်ဖျက်ရေး ညီလာခံ နေပြည်တော်မှာ ကျင်းပမည်


2018.11.02
naypyitaw-622.jpeg နေပြည်တော်မှ ကြိုဆိုပါ၏ ဆိုင်းပုဒ်ကို တွေ့ရစဉ်
.

မူးယစ်ဆေးဝါးထုတ်လုပ်ရာမှာ အသုံးပြုတဲ့ ဓာတုဗေဒပစ္စည်းတွေ ထုတ်လုပ်အသုံးပြုမှုကို မဟာဗျူဟာချမှတ်ပြီး တိုက်ဖျက်ရေးအတွက် အာရှ-ပစိဖိတ်ဒေသ ညီလာခံတစ်ခုကို ဒီလ ၇ နေ့ကစပြီး နေပြည်တော်မှာ ကျင်းပမယ်လို့ ကုလသမဂ္ဂ မူးယစ်ဆေးဝါးနဲ့ ပြစ်မှုတိုက်ဖျက်ရေးအဖွဲ့ UNODC က မနေ့က ကြေညာလိုက်ပါတယ်။

၃ ရက်ကြာ ကျင်းပမယ့် အဲဒီညီလာခံမှာ မြန်မာ၊ ထိုင်းနဲ့ လာအို နယ်စပ် ရွှွေတြိဂံဒေသမှာ ထုတ်လုပ်တဲ့ ဓာတုဗေဒဆေးဝါး အခြေခံ မူးယစ်ဆေးဝါးတွေ အထူးသဖြင့် မက်တဖက်တမင်း စိတ်ကြွဆေး ထုတ်လုပ်မှုနဲ့ သယ်ဆောင်ရောင်းဝယ်မှုတွေ လျှော့နည်းရေးအတွက် အဖြေရှာကြမှာဖြစ်ပြီး ဒေသအတွင်းရှိ တရားဥပဒေ စိုးမိုးရေး၊ ကျန်းမာရေးနဲ့ ဓာတုဗေဒဆေးဝါးဆိုင်ရာ အရာရှိတွေ ကျွမ်းကျင်သူတွေ တက်ရောက်မယ်လို့ ဆိုပါတယ်။

ဒီညီလာခံကို မြန်မာနိုင်ငံ ပြည်ထဲရေးဝန်ကြီးဌာနနဲ့ UNODC ပူးတွဲကျင်းပမှာ ဖြစ်တယ်လို့လည်း ကုလသမဂ္ဂက လာတဲ့ သတင်းမှာ ဖော်ပြထားပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။