နေပြည်တော် မြေအောက် ရထားလမ်း ရုရှ ဦးစားပေး စီစဉ်နေ

မြန်မာအစိုးရ ရုံးစိုက်ရာ နေပြည်တော်မြို့တွင် အသစ်စက်စက် ဆောက်လုပ်ပြီးစ ရထားဘူတာကို သန့်ရှင်းရေး လုပ်နေသည့် အလုပ်သမားများ ဖြစ်ပါသည်။

နေပြည်တော် မြေအောက် ရထားလမ်းအတွက် တိုင်းတာရေးနဲ့ ပုံစံထုတ်တဲ့ အဆင့်တွေပြီးစီး သွားပြီလို့ အမည်မသိရသေးတဲ့ ရုရှကုမ္ပဏီရဲ့ စီမံကိန်း အရာရှိ တစ်ယောက်က ပြောပါတယ်။ နေပြည်တော် မြေအောက် ရထားလမ်းဟာ မိုင် ၃၀ ကျော်ရှည်မှာ ဖြစ်ပြီး မော်စကို မြေအောက် ရထားလမ်းထက် သုံးဆ ပိုရှည်တယ် လို့လည်း ဆိုပါတယ်။

ရုရှနိုင်ငံမှာ မက်ထရို မြို့ပတ် မြေအောက် ရထားလမ်းတွေ တိုးချဲ့ပြုပြင်ရေး စီမံကိန်းတွေ ရှိနေပေမယ့် ငွေကြေး အခက်အခဲ ရှိနေပါတယ်။ မော်စကိုမြို့တော် အပါအဝင် စိန့်ပီတာစဘတ်၊ ကာဇန်၊ Nobosibirsk မြို့တွေမှာ မက်ထရို ရထားလမ်း စီမံကိန်းတွေ နှေးကွေး ဆိုင်းငံ့ ထားရပေမယ့် ရုရှ ကျွမ်းကျင်သူတွေနဲ့ ရုရှ ဆောက်လုပ်ရေး လုပ်သား အများအပြားကတော့ နေပြည်တော် မက်ထရို စီမံကိန်းသစ် အတွက် အသင့် သုံးနိုင်တယ်လို့ မော်စကို သယ်ယူ ပို့ဆောင်ရေး ဌာန အကြီးအကဲ Vorontsova က ပြောပါတယ်။

နေပြည်တော် မက်ထရိုမြို့ပတ် ရထားလမ်းဟာ မြေအောက် ဘယ်လောက်အနက် အထိရှိမယ်ဆိုတာ အတိအကျ မသိရသေးပေမယ့် လက်ရှိမော်စကို မြေအောက်ရထားလမ်း အနက်အတိုင်းပဲ ဖြစ်မယ်လို့ Vorontsova က ခန့်မှန်းပါတယ်။ မော်စကို မြေအောက် ရထားလမ်းကို ဒုတိယ ကမ္ဘာစစ်အတွင်းက ဗုံးခိုကျင်း အဖြစ် အသုံးပြုခဲ့ပါတယ်။